وسىعان بايلانىستى اقپارات جانە قوعامدىق دامۋ مينيسترلىگى «رەسپۋبليكالىق رەفەرەندۋم تۋرالى» كونستيتۋسيالىق زاڭىنىڭ 7-بابىنىڭ 4-تارماعىنا سايكەس، رەفەرەندۋم قارساڭىنداعى كۇن مەن رەفەرەندۋم وتەتىن كۇنى كەز كەلگەن ۇگىت جۇرگىزۋگە تىيىم سالىناتىنىن ەسكە سالادى.
وسىلايشا، 2022 جىلعى 4 جانە 5 ماۋسىمدا بۇقارالىق اقپارات قۇرالدارىندا، ونىڭ ىشىندە ينتەرنەتتە رەفەرەندۋم بويىنشا ۇگىت جۇرگىزۋگە تىيىم سالىنادى.
«ۇگىت» ۇعىمىنىڭ ءمانىن جانە مازمۇنىن نەگىزگە الا وتىرىپ، رەفەرەندۋمعا شىعارىلعان سۇراققا سايلاۋشىلاردى «كەلىسەمىن» نەمەسە «قارسىمىن» دەپ داۋىس بەرۋگە تۇرتكى بولاتىن ماتەريالدار ۇگىت ماتەريالدارى رەتىندە قاراستىرىلاتىن بولادى.
بۇل رەتتە، اتالعان بۇزۋشىلىققا جول بەرگەن جەكە تۇلعالار دا، زاڭدى تۇلعالار دا، سونىڭ ىشىندە الەۋمەتتىك جەلىلەردى پايدالانۋشىلار دا اكىمشىلىك جاۋاپكەرشىلىككە تارتىلۋى مۇمكىن.ينتەرنەت-رەسۋرستاردا بۇرىن جاريالانعان ۇگىت ماتەريالدار باستاپقى ورىندارىندا ساقتالۋىنا جول بەرىلەدى، ولاردى سايتتىڭ باستى بەتىندە شىعارۋعا تىيىم سالىنادى.
سونداي-اق، رەفەرەندۋمدى وتكىزۋ كۇنى، شارتتارى، داۋىس بەرۋ ءتارتىبى، ونىڭ ىشىندە جارنامالىق باننەرلەر، رەفەرەندۋمعا دەيىنگى كۇندەردى كەرى ساناۋ جانە ت.ب. تۋرالى تۇسىندىرمە سيپاتتاعى بۇرىن جاريالانعان اقپاراتتىق ماتەريالدار ينتەرنەت-رەسۋرستار مەن تەلەارنالاردا ولاردىڭ باستاپقى ورىندارىندا ساقتالۋىنا جول بەرىلەدى.
gov.kz
