شاردارا سۋ قويماسى تولماي جاتىر

770 تەكشە مەترگە از سۋ جينالعان.

بيىل قازاقستاندىق فەرمەرلەر سۋدىڭ جەتىسپەۋشىلىگىنەن قيىندىققا تاپ بولۋى مۇمكىن. سىرداريا وزەنىنىڭ جاعدايى الاڭداۋشىلىق تۋدىرىپ وتىر. بۇل تۋرالى ەكولوگيا، گەولوگيا جانە تابيعي رەسۋرستار ۆيسە-مينيسترى سەرىك قوجانيازوۆ ايتتى، دەپ حابارلايدى Almaty-akshamy.kz Inbusiness.kz سىلتەمە جاساپ.

«سىرداريا وزەنى باسسەينى ەرەكشە الاڭداۋشىلىق تۋدىرۋدا. الدىن الا ەسەپتەر بويىنشا، بيىل ۆەگەتاسياارالىق كەزەڭدە شاردارا سۋ قويماسىندا سۋ اعىنى ەڭ تومەن دەڭگەيدە بولادى دەپ جوسپارلانىپ وتىر. ءبىز قويمانى سۋعا تولتىرۋ كەزىندە قيىندىققا تاپ بولامىز. سوندىقتان وزەننىڭ تومەنگى اعىسىنا سۋ توگۋگە شەكتەۋ قويدىق. ۆەگەتاسياارالىق كەزەڭ باستالعاننان بەرى سىرداريانىڭ تومەنگى اعىسىنا 2 ملرد-تان اسا تەكشە مەتر سۋ كەلگەن جوق»، - دەدى سەرىك قوجانيازوۆ. 

ونىڭ ايتۋىنشا، بۇگىندە شاردارا سۋ قويماسىنداعى كوكساراي كونتررەتتەگىشى وتكەن جىلمەن سالىستىرعاندا 770 تەكشە مەترگە از سۋ جيناعان.

«بۇل جاعدايدى ەسكەرسەك، ققسد كەلىسىلگەن بولجامعا سايكەس، سۋ قويماسىن تولتىرۋ وتە قيىن بولادى. سالدارىنان تۇركىستان جانە قىزىلوردا وبلىستارىنىڭ فەرمەرلەرىن سۋمەن قامتاماسىز ەتۋدە ماسەلە تۋىنداۋى مۇمكىن، سونداي-اق ارال وڭىرىندەگى ەكولوگيالىق جاعدايدىڭ كۇردەلەنۋى ىقتيمال»، - دەدى ۆيسە-مينيستر.