قالا ماڭىنان ۇرلانعان قارۋ ساقتالعان ورىن تابىلدى
قارۋ-جاراق الماتى وبلىسى قاراساي اۋدانى اۋماعىنان تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
5 قاڭتارعا قاراعان ءتۇنى “كامەراد” قارۋ-جاراق دۇكەنىن توناۋعا قاتىسقان 29، 28، 26 جاستاعى ءۇش ەر ادام ۇستالدى.
«كۇدىكتىلەر ءۇي جانىنداعى بوس جاتقان جەرگە ءۇش كەسىلگەن مىلتىق، ءۇش تەگىس ۇڭعىلى مىلتىق، ۆينتوۆكا، پاتروندار، اڭشىلىق جيناعى بار شابادان مەن ريۋكزاكتاردى كومگەن. بۇل ارسەنالدىڭ بارلىعى ۇستالعانداردىڭ ءبىرىنىڭ ءۇيىنىڭ اۋلاسىنداعى قۇمعا كومىلگەن. كۇدىكتىلەر كىناسىن مويىنداپ، قىلمىستى قالاي جاساعاندارىن ايتىپ بەردى. تەرگەۋشىلەر توپتىڭ وسىعان ۇقساس باسقا دا قىلمىستارعا قاتىسى بار-جوعىن انىقتاۋدا. قىلمىستىق ءىس ق ر قك-نىڭ 291-بابى 3ء-بولىمى بويىنشا تەرگەلۋدە. كۇدىكتىلەر قاماۋعا الىندى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.