الماتىدا تاكسي جۇرگىزۋشىسىنە قول كوتەرگەن جولاۋشىلار جازاعا تارتىلدى.
الماتىدا تاكسي جۇرگىزۋشىسىنە قول كوتەرىپ، بالاعاتتاعان ەكى جولاۋشى جاۋاپكەرشىلىككە تارتىلدى، دەپ حابارلايدى aqshamnews.kz.
وقيعا وسى ءساۋىر ايىندا بولعان. سوت ماتەريالدارىنا سايكەس، تاكسي جۇرگىزۋشىسى كولىك ىشىندە شىلىم شەككەن جولاۋشىعا ەسكەرتۋ جاساعان. الايدا جولاۋشى ەسكەرتۋگە قۇلاق اسقىسى كەلمەي، جۇرگىزۋشىنىڭ جەلكەسىنەن شاپالاقپەن ۇرىپ، بالاعات سوزدەر ايتقان.
سوت شەشىمى بويىنشا، ول قىلمىستىق كودەكستىڭ 109-1-بابى 1-بولىگى (“دەنساۋلىققا جەڭىل زيان كەلتىرۋ”) بويىنشا كىنالى دەپ تانىلىپ، 12 تاۋلىككە قاماۋعا الىندى. سونىمەن قاتار، جابىرلەنۋشىگە 100 مىڭ تەڭگە مورالدىق وتەماقى تولەۋگە مىندەتتەلدى.
ال وقيعاعا قاتىسى بار ەكىنشى جولاۋشى، جۇرگىزۋشىنى بالاعاتتاعانى ءۇشىن، 15 تاۋلىككە اكىمشىلىك قاماۋعا الىندى.
ايتا كەتەيىك، سوت ۇكىمدەرى ازىرگە زاڭدى كۇشىنە ەنگەن جوق.