بۇگىن Alatau-Aqparat مەدياحولدينگىنە تۇركيادان ارنايى شاقىرىلعان تالىمگەر ءارى كوۋچ ايدىن دوعان كاسىپتىك-تەحنيكالىق ليسەيىنىڭ راديو جانە تەليەۆيزيا ءپانىنىڭ وقىتۋشىسى حۋليا اكان چەليك حانىم «الەۋمەتتىك جەلىلەردە جۇمىستى العا جىلجىتۋ قۇرالدارى» تاقىرىبىندا ءدارىس وقىپ، جۋرناليستەرگە شەبەرلىك ساباعىن وتكىزدى.
شارا بارىسىندا حۋليا حانىم الەۋمەتتىك مەديادا برەند قالىپتاستىرۋدىڭ زاماناۋي تاسىلدەرى، كونتەنت ستراتەگياسىن قۇرۋ، اۋديتوريامەن ءتيىمدى بايلانىس ورناتۋ جانە جارنامالىق مۇمكىندىكتەردى دۇرىس پايدالانۋ جولدارىن جان-جاقتى ءتۇسىندىردى. قاتىسۋشىلار الەۋمەتتىك جەلىگە قاتىستى ناقتى كەڭەستەر الدى.
بۇل شەبەرلىك ساباعى مەدياحولدينگ قىزمەتكەرلەرىنىڭ كاسىبي داعدىسىن ارتتىرۋعا جانە جاڭا مەديا قۇرالدارىن ءتيىمدى پايدالانۋعا باعىتتالدى.
بۇدان بۇرىن ستامبۋلداعى ايدىن دوگان كاسىپتىك جانە تەحنيكالىق انادولى ليسەيىنىڭ شاكىرتتەرى اqshamnews.kz، Vecher.kz سايتتارى مەن Almaty aqshamy جانە «ۆەچەرنيي الماتى» گازەتتەرىندە تاجىريبەدەن وتۋگە ەكىنشى رەت كەلگەن. مەدياحولدينگىمىز بەن وقۋ ورنى اراسىنداعى سەرىكتەستىك كەلىسىم ەكى ۇجىم ءۇشىن دە جەمىستى بولىپ تۇر.