قارتتار ايلىعىنىڭ اياسىندا «شاڭىراق» الەۋمەتتىك قىزمەت كورسەتۋ ورتالىعىندا «قارتتارىن قادىرلەگەن ەل ارداقتى» اتتى ادەمى كەش ءوتتى.
بۇل كۇنى اتالمىش ورتالىققا الاتاۋ اۋدانىنداعى №212 مەكتەپ-گيمنازيانىڭ وقۋشىلارى مەن ۇستازدارى ارنايى كەلىپ، ءوز ونەرلەرىن كورسەتتى. ۇستازداردىڭ اۋەلەتە سالعان اسەم اۋەنى مەن بالالاردىڭ ونەرى «شاڭىراق» الەۋمەتتىك قىزمەت كورسەتۋ ورتالىعىندا تۇرىپ جاتقان 302 قاريانىڭ كوڭىلىن كوتەرىپ، ولاردى ءبىر سەرپىلتىپ تاستادى.
«ءبىرتۇتاس تاربيە باعدارلاماسى» اياسىندا ۇيىمداستىرىلعان شارانىڭ باستى ماقساتى – ۇلتتىق قۇندىلىقتارىمىزدى دارىپتەۋ جانە قاريالارىمىزدى قۇرمەتتەۋ. سونىمەن قاتار، جاس ۇرپاق بويىنا ادامگەرشىلىك، وتانسۇيگىشتىك، ىزگىلىك سياقتى ادامي قاسيەتتەردى ءسىڭىرىپ، ولاردى يماندىلىققا تاربيەلەۋ بولدى.
– قاريالارىمىزدىڭ كوڭىلى كوتەرىلىپ، قۋانىپ قالدى. وقۋشىلارىمىزدىڭ ورىنداعان اندەرى مەن بيلەرى قاريالاردىڭ كوڭىلىنەن شىعىپ، ولاردان اق باتالارىن الدىق. وسىنداي شارالار ارقىلى ءبىز دە جاس ۇرپاق بويىنا ۇلتتىق قۇندىلىقتاردى سىڭىرۋگە تىرىسامىز. سونىمەن قاتار، مەكتەپ مۇعالىمدەرى قايىرىمدىلىق تانىتىپ، 200 مىڭ تەڭگەگە قاريالارعا قاجەتتى دارى-دارمەكتەردى اكەلىپ بەردىك. ءبىز اعىمداعى وقۋ جىلىندا جۇمىسىن باستاعان جاڭا مەكتەپپىز. سوعان قاراماستان، ءبىز قالا ومىرىندەگى بارلىق ءىس-شارالارعا بەلسەنە قاتىسىپ جاتىرمىز. ماسەلەن، جامبىل اۋدانىنداعى ۇزىناعاش ونەر مەكتەبىمەن ىنتىماقتاستىق جونىندەگى مەموراندۋمعا قول قويدىق. ولار دا بۇگىن كەلىپ، ونەرلەرىن كورسەتۋدە، – دەيدى №212 مەكتەپ ديرەكتورىنىڭ بەيىندىك وقىتۋ جونىندەگى ورىنباسارى اراي ومىربەك قىزى.
