ەڭ قارقىندى كارانتين بولماق.
قىتايدىڭ شانحاي قالاسىندا COVID-19 جۇقتىرعاندار سانىنىڭ ءوسۋىن تەجەۋ ماقساتىندا قاتاڭ كارانتين ەنگىزىلدى، دەپ حابارلايدى Almaty-akshamy.kz Interfax.ru سىلتەمە جاساپ.
شانحايداعى شەكتەۋلەر ەكى كەزەڭگە بولىنەدى جانە 2019 جىلى كوروناۆيرۋس انىقتالعان ۋحانداعى كارانتيننەن كەيىنگى قىتايداعى ەڭ قارقىندى كارانتين بولادى.
ءبىرىنشى كەزەڭدە شانحايدىڭ پۋدۋن ەكونوميكالىق اۋدانى مەن ونىڭ ماڭىنداعى اۋداندار دۇيسەنبىدەن جۇماعا دەيىن جابىلادى. كارانتيننىڭ ەكىنشى كەزەڭى جۇما كۇنى، حۋانپۋ وزەنىنىڭ باتىسىنداعى شانحايدىڭ ورتالىق بولىگى جابىلعاندا باستالادى.
وسى ۋاقىتتا تۇرعىنداردىڭ ۇيدە بولۋى ابزال، كەڭسەلەر مەن ماڭىزدى دەپ سانالمايتىن كاسىپورىندار جابىلادى، قوعامدىق كولىكتەر توقتاتىلادى. سونداي-اق كارانتين كەزىندە قالا COVID-19-عا جاپپاي تەستىلەۋدەن وتەدى.