ءدىن سالاسىنىڭ بىلىكتى ماماندارى تاۋلىك بويى قازاق جانە ورىس تىلىندەگى سۇراقتارعا جاۋاپ بەرەدى.
رامازان ايى تۇسىندا قازاقستان مۇسىلماندارى ءدىني مۇسىلماندارى باسقارماسى جانىنان ازاماتتارعا ءدىني اقپارات بەرۋ ورتالىعى اشىلدى، دەپ حابارلايدى Almaty-akshamy.kz
«شاريعاتىمىز بويىنشا باليعاتقا تولعان، اقىل-ەسى دۇرىس ءاربىر مۇسىلمانعا رامازان ايىندا ورازا ۇستاۋ – پارىز. الايدا، جولاۋشىلارعا، سىرقاتتانعان نەمەسە دەنساۋلىعى ناشار ادامدار اۋرۋىنىڭ اسقىنۋىنان قاۋىپتەنسە جانە دارىگەر ۇزاق ۋاقىت بويى اشىعۋدان دەنساۋلىعى كۇرت ناشارلاپ كەتۋى مۇمكىن دەگەن شەشىم قابىلداسا، سونداي-اق جۇكتى نەمەسە ەمىزۋلى بالاسى بار ايەلدەرگە ورازا تۇتۋدى كەيىنگە قالدىرۋعا شاريعاتىمىز رۇقسات بەرەدى»، - دەدى ناۋرىزباي قاجى تاعان ۇلى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
سونداي-اق، باس ءمۇفتي ەلوردادا ءدىني اقپارات بەرۋ ورتالىعىنىڭ ىسكە قوسىلعانىن جەتكىزدى.
«ەگەر ورازاعا، جالپى ءدىني ماسەلەگە قاتىستى قانداي دا سۇراقتارىڭىز بولسا، قازاقستان مۇسىلماندارى ءدىني باسقارماسى جانىنان ءدىني اقپارات بەرۋ ورتالىعى اشىلعانىن قاپەرلەرىڭىزگە سالامىن. جاماعاتتىڭ سۇراعىنا دەر كەزىندە جاۋاپ بەرەتىن ورتالىقتىڭ ءنومىرى – 33-30-30. ورتالىققا نۇر-سۇلتان قالاسىنىڭ كودى ارقىلى تەلەفون شالۋعا بولادى»، - دەيدى ول.
ونىڭ ايتۋىنشا، ءدىن سالاسىنىڭ بىلىكتى ماماندارى تاۋلىك بويى قازاق جانە ورىس تىلىندەگى سۇراقتارعا جاۋاپ بەرەدى. بۇعان دەيىن باسقارما ءتوراعاسى بيىلعى ورازانىڭ باستالاتىن ۋاقىتىن وزبەكستان، قىرعىزستان ەلدەرىمەن كەڭەسىپ بەلگىلەۋدىڭ سەبەبىن ءتۇسىندىردى.