قازاقستان بويىنشا بۇگىن، 10 قازاندا، اۋا تەمپەراتۋراسى ايتارلىقتاي وزگەرمەيدى.
الايدا سينوپتيكتەر اۋا رايىنىڭ كۇرت وزگەرۋى مۇمكىن ەكەنىن - كەي وڭىرلەردە ۇسىك پەن شاڭدى داۋىل بولۋى ىقتيمال ەكەنىن ەسكەرتەدى، - دەپ حابارلايدى Aqshamnews.kz.
«قازگيدرومەت» مالىمەتىنشە:
ماڭعىستاۋ، اتىراۋ جانە قىزىلوردا وبلىستارىندا – شاڭدى داۋىل كۇتىلەدى.
جامبىل، جەتىسۋ جانە الماتى وبلىستارىندا – ۇسىك ءجۇرۋى ىقتيمال.
باتىس قازاقستان، اقتوبە، سولتۇستىك قازاقستان جانە تۇركىستان وبلىستارىندا – كۇشتى جەل سوعادى.
نەگىزگى قالالارداعى اۋا رايى:
استانا: كۇندىز +13…15 °C، تۇندە 0…+2 °C. جەلدىڭ جىلدامدىعى – 7–12 م/س.
الماتى: كۇندىز +16…18 °C، تۇندە +3…5 °C. جەل – 3–8 م/س.
شىمكەنت: كۇندىز +22…24 °C، تۇندە +10…12 °C. جەل – 8–13 م/س7
اۋا رايىنىڭ قولايسىز جاعدايلارىنا بايلانىستى جولدا اباي بولۋ، جىلى كيىنۋ جانە توتەنشە جاعدايلار تۋرالى جەرگىلىكتى اقپارات كوزدەرىنەن حاباردار بولىپ وتىرۋ ەسكەرتىلەدى.