ونىڭ ىشىندە، 16 ترلن تەڭگەسى تۇتىنۋشىلىق نەسيە، دەپ حابارلايدى aqshamnews.kz قارجى نارىعىن رەتتەۋ جانە دامىتۋ اگەنتتىگىنىڭ دەرەگىنە سىلتەمە جاساپ.
اگەنتتىكتىڭ مالىمەتىنشە، 2025 جىلعى 1 قىركۇيەكتەگى جاعداي بويىنشا قازاقستاندا جەكە تۇلعالارعا بەرىلگەن نەسيەلەردىڭ جالپى كولەمى 22،7 ترلن تەڭگەگە جەتتى.
تامىز ايىندا بانكتەر قازاقستاندىقتارعا 1،8 ترلن تەڭگە كولەمىندە نەسيە بەرگەن، بۇل تۇتىنۋشىلىق نەسيەلەر پورتفەلىنىڭ ۇلعايۋىنا سەبەپ بولدى.
«تۇتىنۋشىلىق نەسيەلەر تامىز ايىندا 2،1%-عا ءوسىپ، 16 ترلن تەڭگەگە جەتتى. يپوتەكالىق قارىزدار 2،5%-عا ارتىپ، 6،6 ترلن تەڭگەگە جەتتى. ونىڭ ىشىندە نارىقتىق يپوتەكا 3،8%-عا ءوسىپ، 2،1 ترلن تەڭگەگە جەتتى»، – دەلىنگەن اگەنتتىك حابارلاماسىندا.
تەڭگەدەگى تۇتىنۋشىلىق نەسيەلەر بويىنشا مولشەرلەمەلەر جوعارى دەڭگەيدە قالىپ وتىر — 21،5%، ال يپوتەكا بويىنشا – 8،6%.
سونىمەن بىرگە، كرەديتتىك پورتفەل ساپاسى تومەندەگەن: 90 كۇننەن استام مەرزىمى وتكەن بەرەشەكتەردىڭ ۇلەسى (NPL90+) 4،5%-عا (1،07 ترلن تەڭگە) دەيىن ءوستى. بۇل كورسەتكىش جىلدىڭ باسىندا 3،8% بولعان.
«مۇنداي نەسيەلەر بويىنشا پروۆيزيالارمەن قامتىلۋ دەڭگەيى 65،4%»، – دەپ ناقتىلادى اگەنتتىك.
قىركۇيەك ايىنا قاراي بانكتەردىڭ اكتيۆتەرى 66،6 ترلن تەڭگەگە جەتتى، ال سەكتوردىڭ سەگىز ايداعى تابىسى 14،7%-عا ءوسىپ، 1،8 ترلن تەڭگەدەن استى.