جىلدىڭ سوڭىنا دەيىن بۇل نىسان دا پايدالانۋعا بەرىلمەك.
بيىلعى جول-قۇرىلىس ماۋسىمىندا الماتى وبلىسىنداعى كۇرتى-بۋرىلبايتال، كۇرتى-قاپشاعاي، ءۇشارال-دوستىق جانە شامالعان ستانسياسىنىڭ اينالما جولدارى پايدالانۋعا بەرىلەدى، دەپ حابارلايدى Almaty-akshamy.kz Almaty.tv سىلتەمە جاساپ.
«قازاۆتوجول» كومپانياسى باسپا ءسوز قىزمەتىنىڭ مالىمەتىنشە، كۇرتى-بۋرىلبايتال ارالىعىنداعى 143 شاقىرىم جولدىڭ قۇرىلىس جۇمىستارى جىل سوڭىنا دەيىن اياقتالادى.
«بۇدان بولەك، كۇرتى-قاپشاعاي (67 شاقىرىم) جوباسىنىڭ ءبىر باعىتتاعى قوزعالىسىن اشۋ جوسپارلانىپ وتىر. سونداي-اق، ءۇشارال-دوستىق (180 شاقىرىم) تاسجولىندا قوزعالىس اشىلادى»، - دەلىنگەن باسپا ءسوز حابارلاماسىندا.
ءقازىر ۇزىندىعى 6 شاقىرىمعا سوزىلىپ جاتقان شامالعان ستانسياسىنىڭ اينالما جولىندا قۇرىلىس-مونتاجداۋ جۇمىستارى جۇرگىزىلىپ جاتىر. جىلدىڭ سوڭىنا دەيىن بۇل نىسان دا پايدالانۋعا بەرىلمەك.