اپاتتى اعاشتاردى كەسۋ باعدارلاماسى جاسالىپ جاتىر.
الماتى قالاسىندا 2،8 ملن جاسىل جەلەك بولسا، 84 مىڭى جارامسىز، اپاتتى جاعدايدا. بۇل تۋرالى قالالىق جاسىل ەكونوميكا باسقارما باسشىسىنىڭ مىندەتىن اتقارۋشى سەرىك ادىلبايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتىدا 2 809 183 اعاش پەن بۇتا بار. ونىڭ ىشىندە ساۋ اعاش – 1 946 234، كارى اعاش – 360 309، جاس وسكىندەر – 418 012 جانە اپاتتى 84 628 اعاش بار»، - دەدى باسقارما باسشىسى.
ونىڭ ايتۋىنشا، ادام ومىرىنە، دەنساۋلىعىنا، مۇلكىنە ءقاۋىپ توندىرەتىن وزەگى شىرىگەن جاسىل جەلەكتەردىڭ باسىم بولىگى قالانىڭ ورتالىعىندا ءوسىپ تۇر. كوشە بويىندا 34 962، اۋلالاردا 49 666 اعاش بار.
«جىل سايىن اۋداندىق اكىمدىكتەرگە 1،9 مىڭ اعاش كەسۋگە جانە ونىڭ ورنىنا مىندەتتى تۇردە 19 مىڭ ءتۇپ اعاش وتىرعىزۋ ءۇشىن 54 ملن تەڭگە بولىنەدى»، - دەدى سپيكەر.
سونىمەن قاتار، ول قالاداعى بارلىق اپاتتى اعاشتاردى كەسۋ باعدارلاماسى جاسالىپ جاتقانىن تىلگە تيەك ەتتى. ءار كەسىلگەن تالدىڭ ورنىنا 10 كوشەتتەن وتىرعىزىلادى.