جوبادا 3 جول وتپەسى مەن 20 سۋ وتكىزۋ قۇبىرىنىڭ قۇرىلىسى قاراستىرىلعان
مەردىگەر ۇيىم شامالعان بەكەتىنىڭ اينالما جولى نىسانىندا قۇرىلىس-مونتاجداۋ جۇمىستارىن قارقىندى جۇرگىزۋدە، دەپ حابارلايدى Almaty-akshamy.kz.
بۇگىندە تەمىرجولدار مەن جەرگىلىكتى اۆتوجولداردىڭ ۇستىنەن وتەتىنكوپىرلەردىڭ قۇرىلىسى جالعاسۋدا. قۇرىلىس جۇمىستارىنا 55 بىرلىك ارنايى تەحنيكا مەن 250-گە جۋىق ادام جۇمىلدىرىلدى. جەر توسەمى جۇمىستارى 80% - عا اياقتالىپ، 140 دانا ارقالىق قۇرالىمدىق بولشەكتەر ورناتىلدى (بارلىعى 174 دانا).
جوبادا 3 جول وتپەسى (كوپىرلەر) مەن 20 سۋ وتكىزۋ قۇبىرىنىڭ قۇرىلىسى قاراستىرىلعان. بۇگىنگى تاڭدا كوپىرلەردىڭ قۇرىلىسى 79% - عا، ال سۋ وتكىزۋ قۇبىرلارى 85% - عا اياقتالدى. تەمىربەتون بۇيىمدارى مەن ينەرتتى ماتەريالداردى دايىنداۋ جۇمىستارى جالعاسىپ جاتىر.
بۇدان باسقا، "قازاۆتوجول" ۇك " اق الماتى وبلىسىنىڭ اكىمدىگىمەن بىرلەسىپ قۇرىلىسقا قاجەت جەر ۋچاسكەلەرىن قولدانىسقا الۋ بويىنشا جۇمىستاردى جالعاستىرۋدا.