ريم پاپاسىنىڭ اۋە بورتى قازاقستان اۋەجايىنا قوندى
نۇر-سۇلتان. قازاقپارات – مەملەكەت باسشىسى قازاقستانعا مەملەكەتتىك ساپارمەن كەلگەن ريم پاپاسى فرانسيسكتى كۇتىپ الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ريم پاپاسىنىڭ اۋە بورتى قازاقستان اۋەجايىنا قوندى.
پرەزيدەنتتەن بولەك، ءقادىرلى قوناقتى كۇتىپ الۋعا ق ر پارلامەنتى سەناتىنىڭ ءتوراعاسى ماۋلەن اشىمبايەۆ، سەنات ءتوراعاسىنىڭ ورىنباسارى اسقار شاكىروۆ، ق ر سىرتقى ىستەر ءمينيسترى مۇحتار تىلەۋبەردى، ەلوردا اكىمى التاي كولگىنوۆ، ق ر پرەزيدەنتى اكىمشىلىگى باسشىسى مۇرات نۇرتىلەۋ، ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا جانە بىرنەشە ءدىني قىزمەتكەرلەر كەلدى.
قارسى الۋ ءراسىمى بارىسىندا مەملەكەتتەر باسشىلارى بىر-بىرىنە ەكى ەلدىڭ دەلەگاسيا مۇشەلەرىن تانىستىردى.
سودان كەيىن قازاقستان پرەزيدەنتى مەن كاتوليك شىركەۋىنىڭ باسشىسى پرەزيدەنتتىك تەرمينالدىڭ كاميندى زالىندا قىسقاشا اڭگىمەلەستى.
كەزدەسۋ سوڭىندا مارتەبەلى قوناقتىڭ كورتەجى اقورداعا باعىت الدى.