قازاقستاندا اتوم ەلەكتر ستانسياسىن سالۋدى قولداۋ جونىندەگى حالىقتىق شتاب وكىلدەرى ماڭعىستاۋعا باردى، دەپ حابارلايدى aqshamnews.kz 24.kz-كە سىلتەمە جاساپ.
ەڭبەك ۇجىمدارى مەن سەنەك اۋىلىنىڭ تۇرعىندارىمەن كەزدەسىپ، جوبانىڭ ارتىقشىلىقتارىنا توقتالدى. شالعاي وڭىردە ەلەكتر قۋاتىنا سۇرانىس جىلدان جىلعا ارتىپ كەلەدى.
ەنەرگيانىڭ جەتىسپەۋشىلىگى ايماقتا تۇرعىن ۇي-كوممۋنالدىق ينفراقۇرىلىمنىڭ دامۋىنا، جاڭا كاسىپورىنداردى قۇرۋ جۇمىستارىنا كەرى اسەر ەتۋدە. ماسەلەنى شەشۋ ءۇشىن، ماڭعىستاۋدى ەلىمىزدىڭ ءبىرىڭعاي توق جۇيەسىنە قوسۋ جۇمىستارى ءجۇرىپ جاتىر.
- مەملەكەت باسشىسىنىڭ «حالىق ۇنىنە قۇلاق اساتىن مەملەكەت» كونسەپسياسى قازاقستاندا جىلدان جىلعا وتە ساپالى ىسكە اسىپ كەلە جاتىر. ال ەلىمىزدىڭ تاريحىندا تۇڭعىش رەت الەۋمەتتىك-قوعامدىق ماسەلەنى رەفەرەندۋمعا شىعارىپ وتىر. بۇل، مەملەكەت باسشىسىنىڭ سوڭعى بەس جىلدىقتا ۇستانىپ كەلە جاتقان ەڭ نەگىزگى باعىتتاردىڭ ءبىرى. ال وسى جاسالىپ جاتقان جۇمىستار بۇل تىكەلەي قازاقستاندا جاڭا ساياسي-قوعامدىق مادەنيەت قالىپتاسىپ جاتقانىنىڭ بىردەن ءبىر بەلگىسى، دەدى ق ر پارلامەنتى ءماجىلىسىنىڭ دەپۋتاتى ەلنۇر بەيسەنبايەۆ.