ەلىمىز ەلەكتر ەنەرگياسى تاپشىلىعىنا بايلانىستى كورشى ەلدەردەن ساعاتىنا 2 ملرد كيلوۆاتت ءونىم ساتىپ الۋعا ءماجبۇر. بۇل تۋرالى «Amanat» پارتياسىنىڭ اقپارات الاڭىندا ايتىلدى، دەپ حابارلايدى aqshamnews.kz astanatv.kz-كە سىلتەمە جاساپ.
«اسسامبلەيا جاستارى» قوعامدىق بىرلەستىگى مەن «جاستار رۋحى» جاستار قاناتىنىڭ كەزدەسۋىندە اتوم ەلەكتر ستانسياسى قۇرىلىسىنىڭ كەلەشەگى ءتۇسىندىرىلدى. ساراپشىلار بۇل ماسەلەدە يادرولىق فيزيكتەردىڭ پىكىرلەرى باستى نازارعا الىنۋى ءتيىس ەكەنىپ اتاپ ءوتتى.
تيمۋر جۇمىربايەۆ، «اسسامبلەيا جاستارى» رقب ءتوراعاسى:
جاسىل ەنەرگيا بۇكىل الەمدە سۇرانىسقا يە. بۇگىندە ەلىمىزگە شەكارالاس مەملەكەتتەردەن قىمبات باعادا ەلەكتر ەنەرگياسىن ساتىپ الىپ جاتىرمىز. ونىڭ كولەمى الماتى قالاسى مەن الماتى وبلىسىنىڭ جىلدىق ەنەرگيا تۇتىنۋىمەن تەڭ. سوندىقتان حالىق الداعى ساياسي ناۋقانعا كەلىپ، ەل بولاشاعى ءۇشىن ماڭىزدى شەشىم قابىلداعانى دۇرىس.