ويتكەنى بۇل ەلدىڭ باي ۋران رەسۋرستارى مەن يادرولىق زەرتتەۋلەر بويىنشا باعدارلامانى دامىتۋداعى تاجىريبەسى مول. اتوم ەنەرگياسى جونىندەگى حالىقارالىق اگەنتتىك جوباسىنىڭ مەنەدجەرى چيرايۋ باترا وسىلاي دەيدى.
ساراپشىنىڭ سوزىنشە، باسقا ەلگە قاراعاندا قازاقستان ءۇشىن نورماتيۆتىك بازا قۇرىپ، اتوم ستانسالارىن پايدالانۋدىڭ ءادىس-تاسىلىن ازىرلەۋ الدەقايدا جەڭىل.
ءۇندىستان چيرايۋ باترا، اەحا جوبا مەنەدجەرى: - قازاقستان كوممەرسيالىق اتوم ەنەرگەتيكاسى سالاسىنا ەندى قادام باسقانىمەن، بۇل قازاقستان ءۇشىن جاڭالىق ەمەس. ويتكەنى ەلدىڭ ۋران رەسۋرسى مەن يادرولىق زەرتتەۋلەر بويىنشا تاجىريبەسى باي. بۇل قازاقستاننىڭ ۇلتتىق يادرولىق باعدارلامانى دامىتۋىنا نەعۇرلىم ءتيىمدى جاعداي جاسايدى.
- ءقازىر دۇنيە ءجۇزى ءۇشىن اتوم ەنەرگەتيكاسىن دامىتۋدىڭ ماڭىزدى كەزەڭى. اسىرەسە كليماتتىق وزگەرىستەرگە قاتىستى ماسەلەلەر شيەلەنىسكەن تۇستا ونىڭ شەشىمى رەتىندە تۇراقتى، ەكولوگيالىق تازا ەلەكتر كوزى اتوم ەنەرگەتيكاسىن ۇسىنۋدىڭ ءرولى وراسان، - دەيدى "S&P Global Commodity Insights" كورپوراسيا ديرەكتورىنىڭ ورىنباسارى اقش ۋيليام فريبەرن.