1 قىركۇيەكتەن باستاپ اي سايىنعى مەملەكەتتىك شاكىرتاقى مولشەرى ارتادى.
ءتيىستى تاپسىرمانى مەملەكەت باسشىسى قاسىم-جومارت توقايەۆ بەرگەن بولاتىن، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
اتاپ ايتقاندا،
- باكالاۆريات ستۋدەنتتەرىنىڭ شاكىرتاقىسى 20%،
- ماگيسترانتتار مەن دوكتورانتتاردىڭ شاكىرتاقىسى 15%،
- تەحنيكالىق جانە كاسىپتىك ءبىلىم ستۋدەنتتەرىنىڭ شاكىرتاقىسى 50% ارتتىرىلدى.
پرەمەر-مينيستر ءاليحان سمايىلوۆ ۇكىمەتتىڭ ءتيىستى قاۋلىسىنا قول قويدى.
قاۋلىدا بەلگىلەنگەن شاكىرتاقى مولشەرى تومەندەگىدەي:
- دوكتورانتتارعا (ونىڭ ىشىندە «دەنساۋلىق ساقتاۋ» باعىتى بويىنشا) – 217 500 تەڭگە؛
- دايارلاۋدىڭ «دەنساۋلىق ساقتاۋ» باعىتى بويىنشا رەزيدەنت-دارىگەرلەرگە جانە ماگيسترانتتارعا – 111 579 تەڭگە؛
- ماگيسترانتتارعا – 97 024 تەڭگە؛
- ينتەرندەرگە – 75 890 تەڭگە؛
- جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا دايارلاۋدىڭ پەداگوگيكالىق جانە «دەنساۋلىق ساقتاۋ» باعىتتارى بويىنشا ءبىلىم الاتىن ستۋدەنتتەرگە – 67 200 تەڭگە؛
- دايارلاۋدىڭ پەداگوگيكالىق باعىتتارى جانە «دەنساۋلىق ساقتاۋ» باعىتى بويىنشا ءبىلىم الاتىن ستۋدەنتتەردى قوسپاعاندا، جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 41 898 تەڭگە؛
- تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا جۇمىسشى بىلىكتىلىكتەرى بويىنشا وقيتىن ستۋدەنتتەرگە – 32 681 تەڭگە؛
- تەحنيكالىق جانە كاسىپتىك (ورتا بۋىن ماماندارىن دايارلاۋدى كوزدەيتىن)، ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 31 422 تەڭگە.
قاۋلى 2023 جىلعى 1 قىركۇيەكتەن قولدانىسقا ەنەدى.
ايتا كەتەيىك، سونىمەن قاتار مەملەكەت باسشىسىنىڭ جولداۋىن ىسكە اسىرۋ اياسىندا كەلەسى ايدان باستاپ مەكتەپكە دەيىنگى تاربيە مەن وقىتۋ پەداگوگتەرىنىڭ جالاقىسى 30 پايىزعا وسەتىن بولادى.