الماتىلىق دارىگەرلەر بىرنەشە رەت جۇرەگى توقتاپ، كلينيكالىق ولىمگە ۇشىراعان 72 جاستاعى ەر ادامدى ومىرگە قايتاردى
"مەديسينالىق جەدەل جاردەم قىزمەتى" جانە الماتى قالاسىنىڭ №7 قالالىق كلينيكالىق اۋرۋحاناسى قىزمەتكەرلەرىنىڭ ۇيلەسىمدى جۇمىسى مەن ۋاقتىلى جوعارى بىلىكتى مەديسينالىق كومەك كورسەتۋىنىڭ ارقاسىندا جۇرەگى بىرنەشە رەت توقتاعان زەينەتكەردى و دۇنيەدەن قايتارىپ الدى. مەديسينا تىلىندە ول بىرنەشە رەت كلينيكالىق ولىمگە ۇشىرادى، دەپ حابارلايدى Almaty-akshamy.kz.
جەدەل جاردەم بريگاداسى 72 جاستاعى ناۋقاسقا شاقىرۋ بويىنشا كەلدى. تەكسەرۋ كەزىندە ول اۋىر جاعدايدا بولدى، اۋانىڭ جەتىسپەۋشىلىگى تۇرىندەگى شاعىمدار، كەۋدەدەگى اۋىرسىنۋدى باسۋ، سۋىق جابىسقاق تەر، جالپى السىزدىك سيمپتوماتيكاسى انىقتالدى. شۇعىل مەديسينالىق كومەك قاجەت بولدى.
ەكگ جۇرگىزۋ كەزىندە ناۋقاس ەسىن جوعالتتى، سىرىلداي باستادى، تىنىس الۋ توقتادى، مويىن ارتەرياسىندا يمپۋلس جوعالدى، قان قىسىمى انىقتالمادى (قان قىسىمى 00/00)، جۇرەك قىزمەتىنىڭ توقتاۋى تىركەلدى. ناۋقاسقا جەدەل جۇرەك-وكپە رەانيماسياسى جاسالدى. دەفيبريللياتور مونيتورىندا سوققىدان كەيىن قالپىنا كەلىپ، ناۋقاس ەسىنە كەلە باستادى. ناۋقاس كارديوگەندىك شوكتى، ءساتتى رەانيماسيالىق شارالارمەن كلينيكالىق ءولىمدى باستان وتكەردى.
ءارى قاراي، ول №7 قالالىق اۋرۋحاناسىنا، جەدەل كورونارلىق سيندروم ST سەگمەنتىنىڭ جوعارىلاۋى الدىن-الا دياگنوزىمەن جەتكىزىلەدى. №7 قالالىق اۋرۋحاناسىنىڭ قابىلداۋ بولىمشەسىنىڭ رەانيماسياسىندا ناۋقاستى كەزەكشى كارديولوگ جانە رەانيماتولوگ جەدەل قارادى. شۇعىل تۇردە كورونارانگيوگرافيا جۇرگىزىلدى، كورونارلىق ارتەريا ترومبوزى انىقتالدى. اۋرۋحانا دارىگەرلەرى شۇعىل تۇردە ومىرلىك ماڭىزدى وپەراسيا جاسادى - جۇرەك ارتەريالارىنداعى قان اعىمىن قالپىنا كەلتىرۋ ءۇشىن ستەنت يمپلانتاسيالاندى.
"ناۋقاس جەدەل ينفاركتپەن جەتكىزىلدى. اۋرۋحاناعا دەيىنگى كەزەڭدە ونىڭ جۇرەك قىزمەتى توقتاپ قالدى، جەدەل جاردەم ارىپتەستەرى ءساتتى رەانيماسيا جاسادى، №7 قالالىق اۋرۋحانانىڭ قابىلداۋ بولمەسىنە دەر كەزىندە جەتكىزىلدى. ءبىزدىڭ دارىگەر-كارديولوگتار مەن رەانيماتولوگتار جەدەل جۇمىس جاساپ، ناۋقاستى دەرەۋ وپەراسيا بولمەسىنە كوتەردى. ءبىزدىڭ وپەراسيالىق بريگادا ءارقاشان دايىن. ستەنت قويىلعانعا دەيىن پاسيەنت جۇرەك قىزمەتىنىڭ 1 رەت توقتاۋىن دامىتادى جانە ستەنتتەۋدەن كەيىن وپەراسيا ۇستەلىندە ەكى رەت جۇرەك توقتاۋى بولادى. ءساتتى رەانيماسيامەن ەلەكترلىك دەفيبريللياسيا جۇرگىزىلدى، جۇرەكماعى قالپىنا كەلتىرىلدى. ءارى قاراي، ستەنتتەۋ وپەراسياسىنان كەيىن، رەانيماسيا بولىمىندە جۇرەك 2 رەت توقتايدى. ناۋقاس تاعى دا رەانيماسيالانىپ، جۇرەگى جارالاندى. ءبىزدىڭ ماماندار بارلىق قاجەتتى رەانيماسيالىق جانە جۇرەك-وكپە ءىس-شارالارىن ۋاقىتىندا وتكىزدى، پاسيەنتكە قاجەتتى كولەمدە ءتيىستى كومەك كورسەتىلدى. كەيىن كارديولوگيا بولىمىندە ينفاركتتان كونسەرۆاتيۆتى ەمدەۋدىڭ تولىق كۋرسى وتكىزىلدى"، - دەپ №7 قالالىق اۋرۋحانانىڭ ينتەرۆەنسيالىق حيرۋرگيا جانە اريتمولوگيا ءبولىمىنىڭ مەڭگەرۋشىسى ساكەن انارتايەۆ اتاپ ءوتتى.
ول سونداي - اق پاسيەنتتىڭ انامنەزىن، ومىرگە ءقاۋىپ توندىرەتىن جۇرەك قىزمەتىنىڭ بۇزىلۋىنىڭ ەپيزودتارىن، جۇرەكتىڭ كەنەتتەن توقتاپ قالۋ ءقاۋپىنىڭ جوعارى ەكەنىن جانە قايتالاما پروفيلاكتيكا ماقساتىندا كونسيليۋم پاسيەنتكە كارديوۆەرتەر-دەفيبريللياتور يمپلانتاسيالاۋ تۋرالى شەشىم قابىلداعانىن، وسىعان بايلانىستى ول ينتەرۆەنسيالىق حيرۋرگيا جانە اريتمولوگيا بولىمشەسىنە اۋىستىرىلعانىن، ونىڭ جاعدايىندا وسى وپەراسيا ءساتتى ورىندالعانىن اتاپ ءوتتى. جۇرەك ريتاعىنىڭ ءقاۋىپتى بۇزىلۋى نەمەسە جۇرەك قىزمەتىنىڭ كەنەتتەن توقتاۋى دامىعان جاعدايدا، كارديودەفيبريللياتور ىسكە قوسىلىپ ،ماق پەن جۇرەك قىزمەتىن قالپىنا كەلتىردى.
ناۋقاستىڭ جۇبايى كوز جاسىمەن 3/53 جمك بريگاداسىنىڭ كومانداسىنا جانە №7 قالالىق اۋرۋحاناسىنىڭ مەديسينالىق قىزمەتكەرلەرىنە كۇيەۋىنىڭ ءومىرىن ساقتاپ قالۋ ءۇشىن كۇرەسىپ، ساۋاتتى جانە جىلدام كومەك كورسەتكەنى ءۇشىن العىس ايتتى.
كەلەسى كۇنى، وپەراسيادان جانە ەمدەۋ پروسەسىنەن كەيىن 6-شى كۇنى ول ۇيگە جونەلتىلدى.