1992 جىلدىڭ 18 تامىزىندا «شەكارا اسكەرلەرىن قۇرۋ تۋرالى» پرەزيدەنت جارلىعىنا قول قويىلدى.
الايدا ايتۋلى كۇن قازاقستاننىڭ مەملەكەتتىك مەرەكەلەر كۇنتىزبەسىنە 2012 جىلعى 29 تامىزدا عانا ەنگىزىلدى، دەپ حابارلايدى Almaty-akshamy.kz.
شەكاراشىلار مەملەكەتتىك شەكارانى كىرپىك قاقپاي كۇزەتىپ، قورعايدى. شەكارادا بولعان كەز كەلگەن كۇماندى وقيعانى قالت جىبەرمەي، شەكارا رەجيمىن باقىلايدى. ولاردىڭ مىندەتتەرىنە ادامداردى مەملەكەتتىك شەكارا ارقىلى وتكىزۋ، وتكىزۋ بەكەتتەرىندەگى ءتارتىپتى باقىلاۋ، شەكارا شەبىندەگى مەكەمەلەردى قورعاۋ، مەملەكەتتىك شەكارا رەجيمىن قامتاماسىز ەتۋ سياقتى ىستەر كىرەدى.
مەملەكەتتىك شەكارانى قورعاۋ شارالارى قازاقستان رەسپۋبليكاسىنىڭ ۇكىمەتى مەن ۋاكىلەتتى ورگانداردىڭ ءوز قۇزىرەتى شەگىندە قابىلداعان ساياسي، قۇقىقتىق، ۇيىمداستىرۋشىلىق، ەكونوميكالىق، شەكارالىق، اسكەري جانە وزگە دە شەشىمدەرى اياسىندا ىسكە اسىرىلادى. ەلدىڭ شەتىندە، جەلدىڭ وتىندە جۇرگەن ساربازداردىڭ قىراعى بولىپ، جاۋاپتى قىزمەت اتقارۋى بۇكىل ەلدەگى تىنىشتىقتىڭ كەپىلى بولىپ كەلەدى.