«ارسەلورميتتال تەمىرتاۋ» اق كومىر دەپارتامەنتىنىڭ ءورت شىققان «قازاقستان» شاحتاسىنان 224 ادام ەۆاكۋاسيالاندى، دەپ حابارلايدى Almaty-akshamy.kz.
الدىن الا مالىمەتكە سايكەس، ءقاۋىپسىز جەرگە شىعارىلعان 13 ادام باس اۋرۋى مەن جوتەلگە شاعىندانعان. قازىرگى ۋاقىتتا 4 ادام، ونىڭ ىشىندە ەكەۋى شاحتينسك قالاسىنىڭ ورتالىق اۋرۋحاانسىنا، تاعى ەكەۋى وبلىستىق مەديسينالىق ورتالىققا جاتقىزىلدى.
وقيعا ورنىندا قاراعاندى وبلىسى اكىمىنىڭ ءبىرىنشى ورىنباسارى ۆاديم باسين مەن شاحتينسك قالاسىنىڭ اكىمى مۇرات قىدىرعانبەكوۆ ءجۇر.
بۇگىن ساعات 10:05-تە «ارسەلورميتتال تەمىرتاۋ» اق كومىر دەپارتامەنتىنىڭ «قازاقستان» شاحتاسىندا كونۆەيەرلىك تاسپا ورتەنگەنىن حابارلاعان ەدىك.
سول كەزدە شاحتادا 227 ادام بولعان. ولار قاپتال ۇڭعىما ارقىلى جەر بەتىنە شىعارىلدى. وقيعا ورنىندا «كاسىبي اسكەريلەندىرىلگەن اۆاريالىق-قۇتقارۋ قىزمەتى» رەسپۋبليكالىق ورتالىق شتابىنىڭ جانە توتەنشە جاعدايلار دەپارتامەنتىنىڭ ماماندارى جۇمىس ىستەپ جاتىر. ءورتتىڭ شىعۋ سەبەبى انىقتالۋ ۇستىندە.