بۇگىن وڭىرلىك كوممۋنيكاسيالار قىزمەتىنىڭ الاڭىندا كاسىبي ريەلتورلاردىڭ قاتىسۋىمەن بريفينگ ءوتتى.
قازاقستان بىرىككەن ريەلتورلار قاۋىمداستىعى پرەزيدەنتىنىڭ كەڭەسشىسى نينا لۋكيانەنكو «سۇر» ريەلتورلار نەمەسە اقپاراتتىق قىزمەت كورسەتۋ جونىندەگى مامانداردى ناعىز ريەلتورلاردان قالاي اجىراتۋعا بولادى جانە تۇرعىن ءۇي ساتىپ الۋ تۋرالى ايتىپ بەردى، دەپ حابارلايدى Almaty-akshamy.kz.
«ءقازىر جىلجىمايتىن مۇلىك نارىعىنىڭ 80% - ى يپوتەكالىق نەسيە تارتۋ ارقىلى جۇزەگە اسىرىلادى. سوندىقتان بارلىعىنا «وتباسى بانكىندەگى» جيناقتاۋ جۇيەسىنە نازار اۋدارۋدى كەڭەس بەرەمىن. پاتەرلەر قىمبات دەسەك تە ولاردى ساتىپ الۋ مۇمكىن، اسىرەسە قۇلدىراپ بارا جاتقان نارىقتا. ارينە، بۇل ەشكىمگە قۇپيا ەمەس، جاقىن ارادا توقىراۋ كۇتىپ تۇرعانىن بولجاپ ايتقانمىن. ءبىز باعانىڭ تومەندەۋىن كورىپ وتىرمىز»، - دەدى ن. لۋكيانەنكو.
ساراپشى قاراجاتى بار جانە پاتەر ساتىپ العىسى كەلەتىندەرگە ءدال ءقازىر نارىقتى باقىلاپ وتىرۋدى ۇسىنادى. سونىمەن قاتار، جاڭا عيماراتتارعا قاتىستى ۇسىنىستار بەردى.
«ءقازىر قۇرىلىس سالۋشىلار كەلىسىم شارتتارمەن ءبارى دۇرىس دەۋدە. ءبىراق ولاي ەمەس. باعانىڭ ناقتى تومەندەۋىن بايقاعان كەزدە جارنامالىق ۇسىنىستاردىڭ سانى مەن كولەمىن بايقايمىز. بىرنەشە قۇرلىس سالۋشىلار شىلدە ايىنىڭ باسىندا اكسيالار جاريالاپ - تۇنگى جەڭىلدىكتەر جاسادى. بۇنى باعا تومەندەۋى دەپ ايتپاساق ەندى قالاي اتايمىز»، - دەيدى ريەلتور.
بۇگىنگى تاڭدا كوپتەگەن قۇرلىس سالۋشىلار بانكتەرمەن بىرلەسە وتىرىپ، باستاپقى جارنانى 10 پايىز ەتىپ، جەكە باعدارلامالار جاساۋدا.
كوپتەگەن قۇرىلىس كومپانيالارى ءبولىپ تولەۋدى ۇسىنادى. ەگەر بۇرىن ءبولىپ تولەۋ قۇرىلىس اياقتالعانعا دەيىن ۇسىنىلسا، ءقازىر 40 ايعا دەيىن بەرىلەدى.
سونىمەن قاتار نينا لۋكيانەنكو بۇگىندە حالىقتىڭ بارلىق ساناتتارى ءۇشىن قول جەتىمدى يپوتەكا كوپ ەكەنىن ايتتى. تەك وسى تاقىرىپتى جاقسىلاپ زەرتتەۋ كەرەك.
«ءقازىر تۇرعىن ءۇي نارىعىندا سۇرانىستىڭ كوپتىگىنەن باعانىڭ كەرى كەتۋى بايقالادى. تۇرعىن ءۇي نارىعىن نە كۇتەتىنىن ۇزاق مەرزىمدى پەرسپەكتيۆامەن قارايتىن بولساق، تابيعي ءوسىم، كوشى - قون ءوسىمى، ينفلياسيا وسۋدە، سوندىقتان مەنىڭ بولجامىم بويىنشا الداعى 3-5 جىلدا پاتەرلەردىڭ باعاسى ءالى دە كوتەرىلەدى»، - دەپ قورىتىندىلادى وكق سپيكەرى.