بۇكىلالەمدىك شاحمات سايىسى ءوتىپ جاتىر
مادەنيەت جانە سپورت مينيسترلىگىنىڭ دەرەگىنشە، 20 تامىز بەن 15 قىركۇيەك ارالىعىندا حالىقارالىق شاحمات فەدەراسياسىنىڭ (فيدە) ۇيىمداستىرۋىمەن Chess.com ويىن پلاتفورماسىندا ونلاين فورماتتا دۇنيەجۇزىلىك شاحمات وليمپياداسى ءوتىپ جاتىر، دەپ حابارلايدى Almaty-akshamy.kz.
بۇل فيدە-گە مۇشە ەلدەر ءۇشىن ماڭىزدى جارىس. جارىس ەكى كەزەڭنەن (ديۆيزيون جانە پلەي-وفف) تۇرادى. جالپى، وليمپيادادا 163 ۇلتتىق قۇراما ساپىندا 1500-دەن استام ۇزدىك شاحماتشى ب ا ق سىناپ جاتىر.
ءار قۇرامادا كاپيتاننان بولەك، نەگىزگى قۇرامنىڭ التى ويىنشىسى، ودان بولەك قوسالقى قۇرامنىڭ التى ويىنشىسى بولادى.
ەلىمىزدىڭ قۇراماسى الەم رەيتينگىندەگى جوعارى كورسەتكىشىنىڭ ارقاسىندا توپ ديۆيزونعا ءتۇستى. بۇل قاتاردا ءۇندىستان، جۇڭگو، رەسەي، ۋكراينا، اقش قۇراماسى بار. قازاقستاندىق شاحماتشىلار وليمپيادانى 8 قىركۇيەكتە باستايدى.
توپ ديۆيزيونداعى 40 قۇراما 4 توپقا ءبولىنىپ، بىر-بىرىمەن ويناپ شىعادى. ءار توپتاعى ۇزدىك ۇشتىك پلەي-وفقا تىكەلەي جولداما الادى. اۆستراليا، ارمەنيا، گرەكيا، گرۋزيا، يندونەزيا، يران، جۇڭگو، موڭعوليا مەن رۋمىنيا ءبىزدىڭ ۇلتتىق قۇرامانىڭ قارسىلاسى بولادى.
قۇرامانىڭ نەگىزگى قۇرامى:
1. رينات جۇمابايەۆ (حالىقارالىق گروسسمەيستەر)
2. دەنيس ماحنيەۆ (حالىقارالىق گروسسمەيستەر)
3. جانسايا ابدىمالىك (حالىقارالىق گروسسمەيستەر)
4. دينارا ءسادۋاقاسوۆا (ايەلدەر حالىقارالىق گروسسمەيستەرى)
20 جاسقا دەيىنگى ەرلەر اراسىندا – رامازان جالماحانوۆ (حالىقارالىق شەبەر)
20 جاسقا دەيىنگى قىزدار اراسىندا – ءبيبىسارا اساۋبايەۆا (ايەلدەر حالىقارالىق گروسسمەيستەرى)
قوسالقى قۇرام ويىنشىلارى:
1. رۋستام حۋسنۋتدينوۆ (حالىقارالىق گروسسمەيستەر)
2. مۇرتاس قاجىعالييەۆ (حالىقارالىق گروسسمەيستەر)
3. گۇلىسحان ناحبايەۆا (ايەلدەر حالىقارالىق گروسسمەيستەرى)
4. گۇلميرا داۋلەتوۆا (حالىقارالىق ايەلدەر گروسسمەيستەرى)
20 جاسقا دەيىنگى ەرلەر اراسىندا – قازىبەك نوگەربەك (فيدە شەبەرى)
20 جاسقا دەيىنگى قىزدار اراسىندا – مەرۋەرت كاماليدەنوۆا (حالىقارالىق ايەلدەر شەبەرى)
كوماندا كاپيتانى – حالىقارالىق گروسسمەيستەر پاۆەل كوسۋر.
جارىس ترانسلياسياسىن https://onlineolympiad.fide.com/ سايتى مەن فيدە-نىڭ Youtube-تاعى ارناسىنان تاماشالاي الاسىزدار.