نارىقتا اليۋمينيي جوعارى سۇرانىسقا يە
قازاقستان جىل باسىنان بەرى 120 مىڭ توننادان استام اليۋمينيي ەكسپورتتادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ونىڭ جالپى سوماسى 250 مىڭ دوللاردان اسادى. وتاندىق مەتالدىڭ نەگىزگى ساتىپ الۋشىلارى – تۇركيا، گرەكيا، حورۆاتيا، يتاليا، شۆەيساريا، جۇڭگو، چەرنوگوريا جانە وزبەكستان ەلدەرى.
سونداي-اق، ءاليۋمينييدىڭ يمپورتتىق جەتكىزىلىمدەرى دە بار. يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، وسى جىلدىڭ 7 ايىندا اكەلىنگەن كولەم 550 تونناعا جۋىق.
ۆەدومستۆا ماماندارى مەتالل باعاسى قىمباتتاعانىن، ءبىراق وعان گۆينەياداعى اسكەري توڭكەرىس اسەر ەتكەن ەتپەگەنىن ناقتى ايتا المايدى.
ال «Bloomberg» اقپاراتى بويىنشا، وسى وقيعا اياسىندا لوندون بيرجاسىنداعى اليۋمينيي قۇنى 10 جىل بۇرىنعى رەكوردتى جاڭارتتى. ياعني تونناسى شامامەن 3 مىڭ دوللارعا باعالاندى. ونىڭ سەبەبى الەمدىك ءوندىرىستىڭ تورتتەن ءبىرى گۆينەيا ەلىنىڭ ۇلەسىندە.