تاۋلىكتىك ءوسىمنىڭ 1،0%-دان 0،7%-عا دەيىن تۇراقتى تومەندەۋىمەن تۇراقتالدى.
مەگاپوليس اكىمى باقىتجان ساعىنتايەۆ «الماتى» تا-داعى Akimat live باعدارلاماسىنىڭ تىكەلەي ەفيرى بارىسىندا كوروناۆيرۋس ينفەكسياسى بويىنشا سانيتارلىق-ەپيدەميولوگيالىق احۋال تۋرالى ايتتى، دەپ حابارلادى Almaty-akshamy.kz.
باقىتجان ساعىنتايەۆتىڭ مالىمەتىنشە، الماتىداعى كۆي بويىنشا ەپيدەميولوگيالىق احۋال تاۋلىكتىك ءوسىمنىڭ 1،0%-دان 0،7%-عا دەيىن تۇراقتى تومەندەۋىمەن تۇراقتالدى. الايدا، ەپيدەميولوگيالىق جاعدايدى باعالاۋ ماتريساسىندا قالا قىزىل ايماقتا بولۋىن جالعاستىرۋدا.
قالا تۇرعىندارى اراسىندا پتر زەرتتەۋلەرىنىڭ وڭ ناتيجەلەرىنىڭ سانى تومەندەۋدە. ەگەر 26 تامىزدا 1561 بولسا، ال 7 قىركۇيەكتە - 911. سايكەسىنشە، R سانى (جۇقتىرۋ يندەكسى) 1،02-دەن 0،86-عا دەيىن تومەندەۋىن جالعاستىرۋدا. «سيمپتومدى» ناۋقاستاردىڭ ۇلەسى ارتۋدا، 7 قىركۇيەكتە 95،7%-دى قۇرادى، بۇل COVID-19 بريتاندىق نۇسقاسىن ءۇندى نۇسقاسىنىڭ ىعىستىرۋىن كورسەتەدى.
سوڭعى 2 اپتانىڭ ىشىندە ناۋقاستاردىڭ جاس قۇرامىنا سالىستىرمالى تالداۋ 20-39 جاس ارالىعىنداعى ازاماتتاردى قوسپاعاندا، بارلىق جاستاعى ينفەكسيالار ۇلەسىنىڭ وسكەنىن كورسەتتى. كوبىنەسە كۆي جۇقتىرۋ 20-39 جاس ارالىعىنداعى قالا تۇرعىندارى اراسىندا (18،6%)، 40-59 جاستاعىلار اراسىندا (23،8%) جانە 60 جاستان اسقان قارت ادامدار اراسىندا 25%-دى قۇرايدى.
جۇمىسپەن قامتۋ تۇرعىسىنان سىرقاتتانۋشىلىق قۇرىلىمى الدىڭعى اپتاعا قاراعاندا وزگەرگەن جوق. وتكەن 7 كۇن ىشىندە كۆي دەرتى ءالى دە ءوزىن-وزى جۇمىسپەن قامتىعاندار مەن جۇمىس جاسامايتىندار اراسىندا باسىم - 36،6%، زەينەتكەرلەر اراسىندا - 23،2%، ءتۇرلى ج ش س قىزمەتكەرلەرى، جەكە كاسىپكەرلەر، اق اراسىندا - 16،8%، مەكتەپ وقۋشىلارى اراسىندا - 9% جانە مەكتەپكە دەيىنگى بالالار اراسىندا - 6، 4 %.
8 قىركۇيەكتەگى جاعداي بويىنشا، قالادا 154 763 كوروناۆيرۋس ينفەكسياسى تىركەلدى، ونىڭ ىشىندە 132 796 جاعداي سيمپتومدى جانە 21 967 - سيمپتومسىز، انىقتالماعان پنيەۆمونيا - 2 275. 7 قىركۇيەكتە ءبىر تاۋلىكتە 911 كوروناۆيرۋس ينفەكسياسىنىڭ جاعدايى تىركەلدى، ونىڭ 872ء-سى سيمپتومدى جاعداي، انىقتالماعان پنيەۆمونيا - 12.
ينفەكسيالىق ستاسيونارلاردا جالپى سىيىمدىلىعى 7 705 توسەك ورىن بار، بۇلاردا 3 754 ادام ەمدەلۋدە ، ونىڭ ىشىندە 116 بالا. 184 ناۋقاس وتە اۋىر جاعدايدا، 1 534 اۋىر جاعدايدا، 2 033 ورتاشا جانە 3 جەڭىل دارەجەدە. ريت بولىمىندە بارلىعى 339 ناۋقاس بار. ءوجج اپپاراتىندا - 58، ءينۆازيۆتى ەمەس ءوجج اپپاراتىندا - 137، High flow اپپاراتىندا - 168 .
8 قىركۇيەكتەگى جاعداي بويىنشا، ءبىرىنشى كومپونەنتپەن 4 184 ادام، ەكىنشى كومپونەنتپەن 6 455 ادام ەگىلدى.1 اقپاننان 7 قىركۇيەككە دەيىنگى بارلىق كەزەڭدە 895 959 ادام I كومپونەنتتى، 773 814 ادام II كومپونەنتتى الدى. 60 جاستان اسقاندار ەگىلگەندەردىڭ جالپى سانىنان 114 440 ادامدى قۇرايدى.