شاعىن فۋتبولدان قازاقستاننىڭ اۋەسقويلار قۇراما كومانداسى بىرىككەن اراب امىرلىگىنىڭ راس-ەل-حايم قالاسىندا وتكەن الەم چەمپيوناتىندا كۇمىس جۇلدەگەر اتاندى. ەلىمىز قۇراماسى فينالدا رۋمىنيا كومانداسىنان ايلاسىن اسىرا المادى.
ويىننىڭ نەگىزگى ۋاقىتى 2:2 ەسەبىمەن تەڭ اياقتالىپ، ماچتىڭ سوڭىندا بەرىلگەن 11-مەترلىك پەنالتيدە ەل قۇراماسى قارسىلاستارىنان 11:12 ەسەبىمەن جەڭىلدى.
ەل قۇراماسى بيىلعى الەم چەمپيوناتىندا ا توبىندا سىنعا ءتۇسىپ، گانانى 7:0، ءۇندىستاندى 16:0، بىرىككەن اراب امىرلىگىن 2:1 ەسەبىمەن جەڭدى.
ودان كەيىن مەكسيكا قۇراماسىنان (0:0، 2:1 – پەنالتيدەن)، چەحيا كومانداسىنان (3:3، 3:2 – پەنالتيدەن)، ازەربايجان جاساعىنان (3:2) باسىم ءتۇستى.
بۇعان دەيىن ەل قۇراماسى 2015، 2017 جىلداردا الەم چەمپيوناتىندا 11-ورىن العان ەدى.
بيىلعى چەمپيوناتقا 32 كوماندا قاتىستى. ەلىمىزدىڭ قۇراما كومانداسى قاراعاندىنىڭ «بيوسفەرا» كلۋبىنان جاساقتالدى.