كوكشەتاۋ كولىك پروكۋراتۋراسىمەن كولىكتىك باقىلاۋ سالاسىنداعى ۋاكىلەتتى ورگاننىڭ قىزمەتىنە تالداۋ ناتيجەلەرى بويىنشا اكىمشىلىك ىستەردى قاراۋ بارىسىندا كاسىپكەرلەردىڭ قۇقىقتارىن بۇزعاندىعى انىقتالدى، دەپ حابارلايدى almaty-akshamy.kz
اۆتوجولداردا تيەلگەن كولىك قۇرالىنىڭ سالماقتىق پارامەترلەرىنىڭ ارتۋى انىقتالعان كەزدە مەملەكەتتىك ورگان دەرەۋ اكىمشىلىك ىقپال ەتۋ شارالارىن قابىلدايتىنى بەلگىلى.
مۇنداي وندىرىستەر بويىنشا دالەلدەمەلىك بازانىڭ نەگىزىنە اۆتوكولىك قۇرالدارىنىڭ اۆتوماتتاندىرىلعان ولشەۋ قۇرالدارى ارقىلى ءوتۋ كەزىندەگى دەرەكتەرى قولدانىلادى، ال ولار شامادان تىس جۇكتەلگەن جاعدايدا كولىك باقىلاۋ ورگاندارىنا ناقتى ۋاقىت رەجيمىندە حابارلامالار جىبەرىلەدى (مۇنداي قۇرالداردى قولدانۋ زاڭنامامەن ناقتى رەتتەلگەن).
كولىك پروكۋراتۋراسى كولىك قۇرالدارىنىڭ كولەمىن ولشەۋ كەزىندە قاتەلىكتەردىڭ دۇرىس ەسەپتەلمەگەنىن انىقتادى، بۇل ءوز كەزەگىندە، اكىمشىلىك ىستەر بويىنشا قابىلدانعان شەشىمدەردىڭ كۇشىن جويۋعا اكەلدى.
ماسەلەن، «چەليابينسك-قوستاناي-الماتى» اۆتوجولىنىڭ №41348472 (اتباسار ق. جانىندا) 1007 كم ولشەگىش قۇرالىنا ساراپتاما جانە سەرتيفيكاتتاۋ ورتالىعى تەكسەرۋ تۋرالى سەرتيفيكات بەردى، وعان سايكەس ول جارامدى دەپ تانىلىپ جول توسەمىنىڭ III سىنىبى بويىنشا 4% قاتەلىك شەگىمەن سايكەستىك دارەجەسىن قولدانۋعا رۇقسات ەتىلگەن.
ال اتالعان كلاستاعى اۆتوجولدار بويىنشا جابدىقتىڭ تەحنيكالىق پاسپورتى بويىنشا قاتەلىكتى ەسەپتەۋ كەزىندە 14% ءمانى قولدانىلادى.
وسىعان بايلانىستى پروكۋراتۋرانىڭ قاداعالاۋ اكتىسى بويىنشا اقمولا وبلىسىنىڭ كولىكتىك باقىلاۋ ينسپەكسياسىنىڭ كاسىپكەرلىك سۋبەكتىلەرىنە جالپى سوماسى 1،6 ملن تەڭگەگە ايىپپۇل سالعان اكىمشىلىك قۇقىق بۇزۋشىلىقتارعا تارتۋ تۋرالى 7 قاۋلىسى زاڭسىز دەپ تانىلدى.
كولىك پروكۋرورلارى وسىنداي جۇمىستاردى باسقا دا وڭىرلەردە جۇرگىزۋدە.