الداعى 4-5 جىلدىڭ ىشىندە دوكتورانتتاردىڭ شاكىرتاقىسى 500 مىڭ تەڭگەگە جەتەدى.
بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى Almaty-akshamy.kz.
«3 جىل دوكتورانتۋرادا وقىپ، PhD الىپ شىققاننان كەيىن وسى وقىعان ۋاقىتى ۋنيۆەرسيتەتكە كەلگەندە ەسەپكە الىنبايدى. وقىتۋشىلىقتان باستاۋىنا تۋرا كەلەدى. بىزدە وقىتۋشى، اعا وقىتۋشى، قاۋىمداستىرىلعان پروفەسسور، پروفەسسور دەپ بولىنەدى. پروفەسسورلىققا جەتكەنگە دەيىن ءبىراز ۋاقىت وتەدى. ماقالالار جازىپ، گرانتتارعا قاتىسۋى كەرەك. سوندىقتان ەڭ الدىمەن PhD قاعيداتتارىن وزگەرتىپ جاتىرمىز. PhD شاكىرتاقىسىن كوتەرەمىز. بيىل 217 مىڭ تەڭگەگە جەتتى. جىل سايىن 20 پايىز كوتەرىلىپ وتىرادى. الداعى 4-5 جىلدىڭ ىشىندە 500 مىڭ تەڭگەگە دەيىن جەتكىزۋ جوسپارىمىزدا بار»، – دەدى مينيستر Jibek Joly تەلەارناسىنىڭ «ۋادە» باعدارلاماسىنا بەرگەن سۇحباتىندا.