قازاقستان رەسپۋبليكاسى ۇلتتىق ەكونوميكا مينيسترلىگى جاڭا سالىق كودەكسى اياسىندا ۇكىمەت قاۋلىسىنىڭ جوبالارىن تانىستىردى. كاسىپكەرلەر ءۇشىن باستى جاڭالىق – سالىق تولەۋشىلەردىڭ شامامەن *70%-ى جەڭىلدەتىلگەن رەجيمدە قالا بەرەدى.
جەڭىلدەتىلگەن رەجيمدە كىمدەر قالادى؟
ء-ۇي جانىنداعى دۇكەندەر، بازارلار مەن ءدارىحانالار؛
-كافە، مەيرامحانالار جانە كولىك قىزمەتتەرى؛
-مەديسينا مەن ءبىلىم بەرۋ سالاسى؛
-اۋىل شارۋاشىلىعى؛
-كرەاتيۆتى يندۋستريا جانە باسقا دا حالىققا جاقىن قىزمەت تۇرلەرى.
بۇل دەگەنىمىز، حالىقپەن تىكەلەي جۇمىس ىستەيتىن كوپتەگەن كاسىپورىندار بۇرىنعىداي قولجەتىمدى ءارى تۇسىنىكتى رەجيمدە جۇمىسىن جالعاستىرادى. نالوگتار قاراپايىم بولىپ قالادى، ال تاۋار مەن قىزمەت باعاسى قوسىمشا شىعىندار ەسەبىنەن قىمباتتامايدى.
ءوزىن-وزى جۇمىسپەن قامتىعاندارعا قولداۋ
تاعى ءبىر ماڭىزدى قادام – ءوزىن-وزى جۇمىسپەن قامتىعاندار ءۇشىن مۇمكىندىك كەڭەيدى. ەندى 46 ءتۇرلى قىزمەت تۇرىمەن (تاكسي، تەحنيكا جوندەۋ، تازالىق، رەپەتيتورلىق، سۇلۋلىق سالوندارى جانە ت.ب.) جك تىركەمەي-اق اينالىسۋعا بولادى.
ايلىق تابىسى 300 اەك-كە دەيىن بولعان جاعدايدا ولار بيۋروكراتياسىز زاڭدى تۇردە تابىس تابا الادى، ءارى الەۋمەتتىك كەپىلدىكتەرى ساقتالادى.
وسىلايشا، مەملەكەت شاعىن بيزنەس پەن ءوزىن-وزى جۇمىسپەن قامتىعان ازاماتتاردى قولداۋدى باستى نازاردا ۇستاپ وتىرعانىن كورسەتىپ وتىر.