جاڭا سالىق كودەكسى ءىرى كومپانيالاردىڭ جەڭىلدەتىلگەن سالىق رەجيمىن پايدالانۋعا توسقاۋىل قويادى. بۇعان دەيىن تالداۋ كورسەتكەندەي، تريلليونداپ اينالىم جاسايتىن ءىرى كاسىپورىندار جەڭىلدەتىلگەن رەجيم ارقىلى سالىقتان جالتارعان.
ەندى ەرەجە ايقىن:
-شاعىن بيزنەس (دۇكەندەر، ءدارىحانالار، كافەلەر، تاسىمال جانە قىزمەت كورسەتۋ) – جەڭىلدەتىلگەن رەجيمدە قالادى؛
ء-ىرى بيزنەس (قۇرىلىس، تەلەكوممۋنيكاسيا، جەر قويناۋىن پايدالانۋ، كوتەرمە ساۋدا) – جالپىعا بىردەي رەجيمگە وتەدى.
بۇل شەشىم باسەكەنى ءادىل ەتەدى: شاعىن كاسىپكەرلەر تىنىش ءارى اشىق جۇمىس ىستەيدى، ال ءىرى كومپانيالار تولىققاندى سالىق جۇيەسىمەن جۇمىس جاسايدى.
الەۋمەتتىك باسىمدىقتار
مەملەكەت الەۋمەتتىك ماڭىزى بار سالالارعا ەرەكشە كوڭىل ءبولدى. جەڭىلدەتىلگەن رەجيمدە قالادى:
ء-بىلىم بەرۋ مەن مەديسينا (بالاباقشالار، ستوماتولوگيا، ۇيىرمەلەر مەن سپورت سەكسيالارى)؛
-اۋىل شارۋاشىلىعى (جەڭىلدەتىلگەن جەر سالىعى، ققس بويىنشا جەڭىلدىكتەر، ساۋدا جەلىلەرىنە تىكەلەي جەتكىزۋ مۇمكىندىگى)؛
-كرەاتيۆتى يندۋستريا (كينو، مۋزىكا، فوتو، ديزاين).
ال وڭدەۋشى ونەركاسىپ ءۇشىن ارنايى قولداۋ قاراستىرىلعان: ققس بويىنشا جەڭىلدىكتەر، ينۆەستيسيالىق شەگەرىمدەر، «بايتەرەك» پەن «دامۋ» ارقىلى جەڭىلدەتىلگەن قارجىلاندىرۋ.
ياعني، شاعىن بيزنەس بۇرىنعىداي جەڭىلدەتىلگەن رەجيمدە جۇمىس ىستەيدى، ءىرى بيزنەس تولىق سالىق تولەيدى، ال حالىق تاۋارلار مەن قىزمەتتەردى قولجەتىمدى باعامەن الا بەرەدى.