تۋريستىك مارشرۋت جاڭعىرماق
شاعالالى ارالىنا اپاراتىن تۋريستىك مارشرۋت اشىلادى، دەپ حابارلايدى Almaty-akshamy.kz.
ەلىمىزدىڭ باتىس ءوڭىرى اتىراۋداعى «اقجايىق» تابيعي رەزەرۆاتىندا تۋريستىك مارشرۋت اشۋ جوسپارلانىپ وتىر. ول ەكى باعىتتان تۇرادى.
مەكتەپ وقۋشىلارى مەن جاس ناتۋراليستەر قۇرلىقتاعى تابيعاتتى تاماشالاسا، ەرەسەك تۋريستەر سۋ ارنالارىن بويلاي ءجۇزىپ، جىل بويى بازارى تارقامايتىن شاعالالى ارالىنا دەيىن بارا الادى.
«ءبىزدىڭ ماقساتىمىز – ءتۋريزمدى دامىتا وتىرىپ، جويىلىپ بارا جاتقان اڭ-قۇستاردى ساقتاپ قالۋ، كوبەيتۋ. مىسالى، قاراباي قۇسى قازىرگى تاڭدا سيرەك كەزدەسەدى. جانات ءتارىزدى يتتەردى دە زەرتتەۋ بارىسىندا عىلىمي قىزمەتكەرلەر عانا كەزىكتىرەدى»، - دەدى قورىق مامانى بالىمگۇل ءىزمۇقانوۆا.
اقجايىق قورىعىنىڭ جايىق-كاسپيي باسسەينىندە قۇستاردىڭ كۇزگى ميگراسياسى ءجۇرىپ جاتىر. بۇل كەزەڭ قاراشا ايىنا دەيىن جالعاسادى. ءقازىر مۇندا قۇستاردىڭ 290 -نان استام ءتۇرىن كەزدەستىرۋگە بولادى.
وسى ارادان توپتاسقان قاناتتىلار شەرۋى الىس ايماقتارعا جول تارتادى. كەيبىرى قىستاپ تا قالىپ جاتادى.