بۇگىننەن باستاپ قازاقستاندا توي-تومالاق وتكىزۋگە رۇقسات بەرىلدى. ءبىراق ونىڭ وزىندىك تالاپتارى بار. وسى ورايدا ق ر پرەمەر-مينيستردىڭ ورىنباسارى ەرالى توعجانوۆ تويعا رۇقسات بەرۋدىڭ سەبەبىن ءتۇسىندىرىپ بەردى، دەپ حابارلايدى almaty-akshamy.kz
«ەلىمىزدە ءبىرقاتار ءىس-شارالاردى وتكىزۋگە رۇقسات بەردىك، ءبىراق قاتاڭ شارتتارى بار. بىرىنشىدەن، شاراعا قاتىسۋشىلاردىڭ Ashyq-تا «جاسىل» مارتەبەسى بولۋى كەرەك. ءبىز ەپيدەميولوگيالىق جاعدايدى ەسكەرە وتىرىپ، بىرتىندەپ قالىپتى ومىرگە ورالۋىمىز كەرەك. سالتاناتتى شارالاردىڭ وتكىزۋگە رۇقسات بەرۋ - بۇل تەك توي-تومالاق وتكىزۋگە عانا قاتىستى ەمەس. ءبىرىنشى كەزەكتە ماسەلە شاعىن جانە ورتا بيزنەستى قولداۋ توڭىرەگىندە بولىپ وتىر. بۇل - كۇن تارتىبىندەگى ەڭ ماڭىزدى ماسەلەنىڭ ءبىرى. تاعى ءبىر جايت، ەلىمىزدە سالتاناتتى ءىس-شارالاردى وتكىزۋ قاتاڭ باقىلاۋدا بولاتىنىن ەسكە سالعىم كەلەدى. قازاقستاندا كۆي-دىڭ تارالۋىن باقىلاۋ مەن توقتاتۋ شارالارى كۇن تارتىبىنەن تۇسپەيدى»، - دەدى ەرالى توعجانوۆ ۇكىمەت ۇيىندە وتكەن باسپا ءسوز ءماسليحاتىندا.