قازاقستان تاۋەلسىزدىگى مەن سەمەي يادرولىق سىناق پوليگونىنىڭ جابىلۋىنىڭ 30 جىلدىعىنا ارنالعان «يادروسىز الەم» فوتوكورمە قانات جايدى
ەكسپوزيسيادا پوليگون جانە يادرولىق جارىلىستاردىڭ سالدارى بەينەلەنگەن فوتوسۋرەتتەر مەن تاريحي قۇجاتتاردى كورۋگە بولادى. سونداي-اق كورمە قوناقتارى قازاق مۋزىكاسىن تىڭداپ، قازاقستان تۋرالى اعىلشىن جانە كورەي تىلدەرىندەگى كىتاپتارمەن تانىسا الادى. ەكسپوزيسيانىڭ تاعى ءبىر بولىگىندە زاماناۋي قازاقستاننىڭ سۋرەتتەرى قويىلعان، دەپ حابارلايدى Almaty-akshamy.kz
كورمەنى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مەن كورەياداعى ەلشىلىك ۇيىمداستىرعان. كورەيالىقتار ءۇشىن «يادروسىز الەم» كورمەسىنىڭ ماڭىزى زور. ءقازىر ولار قازاقستاننىڭ يادرولىق قارۋدان باس تارتۋ تاجىريبەسىن زەرتتەۋ ۇستىندە. وڭتۇستىككورەيالىقتار سولتۇستىك كورەيا بيلىگى دە يادروسىز الەم باستاماسىنا قوسىلادى دەگەن ۇمىتتە.
«مەن سەمەي يادرولىق پوليگونىندا بولىپ، يادرولىق قارۋى بار مەملەكەتتەر يادروسىز الەم قۇرۋ ءۇشىن بار كۇش-جىگەرىن سالا الاتىنىن ايتتىم. قازاقستاننىڭ تۇڭعىش پرەزيدەنتىنىڭ بۇل مۇراسى ماڭگى ساقتالادى. بۇۇ باس اسسامبلەياسى 2009 جىلعى جەلتوقساندا 29 تامىزدى حالىقارالىق يادرولىق سىناقتارعا قارسى ءىس-قيمىل كۇنى رەتىندە بەلگىلەدى»، - بۇۇ-نىڭ باس حاتشىسى پان گي مۋن.
«يادرولىق قارۋسىزدانۋ تۋرالى فوتوسۋرەت كورمەسى كورەيلەر ءۇشىن كوپ ماعىنا بەرەدى. كورەيانىڭ بارلىق ازاماتى يادروسىز الەمدى ارمانداپ وتىر. سوندىقتان ءبىز قازاقستاننىڭ يادرولىق قارۋدان باس تارتقانىن جاقسى تۇسىنەمىز»، - كورەيا قورىنىڭ ۆيسە-پرەزيدەنتى لي دجون گۋك