ال جاپپاي ارالاپ شىعۋ ارقىلى ساناق 57،5% ادامدى قامتىعان.
ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ۇلتتىق حالىق ساناعىنىڭ اياقتالۋى تۋرالى باياندادى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.
ءوز ءسوزىنىڭ باسىندا نۇربولات ايداپكەلوۆ حالىق ساناعىن ۇيىمداستىرۋعا جانە وتكىزۋگە بەلسەندى قاتىسقانى ءۇشىن ارنايى كوميسسيا مۇشەلەرىنىڭ، ورتالىق مەملەكەتتىك ورگاندار مەن وڭىرلەر اكىمدىكتەرىنىڭ جۇمىسىن اتاپ ءوتتى.
«ساناق ەل تۇرعىندارىنىڭ بارلىق ساناتتارىن قامتىدى. ونلاين ساۋالنامادان حالىقتىڭ 42،5%-ى ءوتتى، ال جاپپاي ارالاپ شىعۋ ارقىلى ساناقپەن 57،5% ادام قامتىلدى»، — دەدى ۇلتتىق ستاتيستيكا بيۋروسىنىڭ باسشىسى.
بيۋرو الىنعان دەرەكتەردى وڭدەۋگە كىرىستى جانە الدىن الا دەرەكتەردى اعىمداعى جىلدىڭ جەلتوقسان ايىندا ۇسىنۋدى جوسپارلاپ وتىر. ءىس-شارالار جوسپارىنا سايكەس ساناقتىڭ قىسقاشا قورىتىندىسى 2022 جىلدىڭ ورتاسىنا جوسپارلانعان جانە 2023 جىلدىڭ 1-توقسانىندا ساناقتىڭ تولىق قورىتىندىسىن جاريالاۋ جوسپارلانعان.