ماسكا - كوروناۆيرۋستان قورعانۋ شارالارىنىڭ ءبىرى
ق ر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا قوعامدىق ورىنداردا مەديسينالىق بەتپەردە كيۋ ماسەلەسىن قوزعادى، دەپ حابارلايدى Almaty-akshamy.kz
«ماسكا كيۋ مىندەتتى بولىپ تابىلادى. ۆاكسينا سالدىرعان ادامدار دا اۋرۋى مۇمكىن ەكەنى بەلگىلى. دەگەنمەن، ۆاكسيناسيالانعان ازاماتتار ءالى دە ينفەكسياعا بەيىم ەمەس جانە اۋرۋعا وڭاي توزەدى. سوندىقتان بۇگىندە الەم بويىنشا ەشكىم ماسكا تاعۋ رەجيمىن الىپ تاستاعان جوق»،- دەپ حابارلادى ەسماعامبەتوۆا.
ونىڭ ايتۋىنشا، الەمدە ەشكىم قورعانىس ماسكالارىنان باس تارتۋعا بولاتىن ناقتى كۇندى ايتا المايدى.
«ەندى ەشكىم سىزگە ناقتى كۇندى ايتپايدى، بۇل كوپ فاكتورلى ارەكەتتەردىڭ ناتيجەسى. ءبىز نەعۇرلىم باياۋ ۆاكسيناسيالاساق، ۆيرۋستىڭ تارالۋى سوعۇرلىم كوپ بولادى جانە مۋتاسيا مۇمكىندىگى دە جوعارى بولادى. ال ۆيرۋستىڭ مۋتاسياسىن بۇگىندە بولجاۋ مۇمكىن ەمەس. ددسۇ ۆيرۋستى ءقاۋىپتى مۋتاسيالارعا بولەدى، ولاردى باقىلاۋ قاجەت»، - دەپ ءتۇسىندىردى ۆەدومستۆو باسشىسى.
ونىڭ ايتۋىنشا، ددسۇ ۇجىمدىق يممۋنيتەت دەڭگەيى بويىنشا كورسەتكىشتەردى قايتا قارادى، ونى قالىپتاستىرۋ ءۇشىن حالىقتىڭ 60%-ىن ەمەس، 80%-ىن ۆاكسيناسيالاۋ قاجەت. سوندا عانا ادامدار قالىپتى ومىرگە ورالا الادى.
«ءبىز ءبارىمىز ماسكالاردان شارشادىق، ءبىراق، بۇل كوروناۆيرۋستان قورعانۋ شارالارىنىڭ ءبىرى»، دەپ تۇيىندەدى ەسماعامبەتوۆا.