ەڭ ۇزدىك جوبا 2022 جىلعى 1 جەلتوقساننان 2023 جىلعى 1 اقپان ارالىعىندا انىقتالاتىن بولادى.
كسرو حالىق ءارتىسى ەرمەك سەركەبايەۆقا ورناتىلاتىن ەسكەركىشتىڭ ەڭ ۇزدىك جوباسىنا اشىق بايقاۋ جاريالاندى، دەپ حابارلايدى Almaty-akshamy.kz.
باعدارلاماسى جانە شارتتارى
- بايقاۋدىڭ ماقساتى
كورنەكتى وپەرا جانە كامەرالىق ءانشى، اكتەر، پەداگوگ، كسرو حالىق ءارتىسى، كسرو جانە قازاق كسر مەملەكەتتىك سىيلىعىنىڭ لاۋرەاتى ەرمەك بەكمۇحامەد ۇلى سەركەبايەۆتىڭ ەسكەرتكىشىنىڭ مونۋمەنتالدى-كوركەمدىك تۇرعىسىنان ەڭ جاقسىسىن انىقتاۋ ماقساتىندا قازاقستان رەسپۋبليكاسىندا سالىنىپ جاتقان ەسكەرتكىشتەر مەن ەسكەرتكىشتەر جونىندەگى مەملەكەتتىك كوميسسيانىڭ قارالىمىنا ۇسىنىپ، شەشىم شىعارۋ.
- بايقاۋ باعدارلاماسى
ەرمەك سەركەبايەۆقا ارنالعان ەسكەرتكىشتىڭ كوركەمدىك بەينەسى قازاق ۆوكالدىق ورىنداۋشىسىنىڭ تەڭدەسسىز تالانتى مەن تاڭعاجايىپ داۋىسىن، ونىڭ ارتىستىگىن، ءمىنسىز شەبەرلىگىن جانە جوعارى ورىنداۋشىلىق مادەنيەتىن كورسەتۋى شارت. سونىمەن قاتار، ەسكەرتكىش ەرمەك سەركەبايەۆتىڭ سيرەك كەزدەسەتىن ادامي قاسيەتتەرىن، دالاداي دارحاندىعى مەن قاراپايىم جان سۇلۋلىعىن تانىتۋ قاجەت.
ەسكەرتكىش كومپوزيسياسى قولدانىستاعى ساۋلەت جانە قالا قۇرىلىسى ورتاسىنا ۇيلەسىمدى تۇردە سايكەس كەلۋى كەرەك.
جوبانى جاساعاندا مىقتى ماتەريالدار (ءمارمار، گرانيت، قولا، ت.س.س.) قولدانىلۋى كەرەك.
ورناتىلاتىن ورنى – الماتى قالاسى، المالى اۋدانى، ابىلاي حان داڭعىلى، 83.
- بايقاۋ شارتتارى
بايقاۋعا بارلىق نيەت بىلدىرۋشىلەر، سونداي-اق اۆتورلىق ۇجىمدار قاتىسا الادى. بايقاۋدى وتكىزۋ مەرزىمى - 2022 جىلعى 1 جەلتوقساننان 2023 جىلعى 1 اقپانعا دەيىن. 2023 جىلدىڭ 1 اقپانىنان كەشىكتىرمەي جىبەرىلگەن جۇمىستار 050000، الماتى قالاسى، ابىلاي حان داڭعىلى، 74 ا، الماتى قالاسى مادەنيەت باسقارماسى، №305 كابينەت مەكەنجايى بويىنشا قابىلدانادى.
باسقا قالالاردىڭ اۆتورلارى پوشتا تۇبىرتەگىنىڭ ءنومىرىن الدىن الا حابارلاي وتىرىپ، جوبالاردى بەلگىلەنگەن مەرزىمنەن كەشىكتىرمەي، الماتى قالاسى مادەنيەت باسقارماسىنىڭ مەكەنجايىنا جىبەرەدى. بايقاۋعا جوبالار التى تاڭبالى سانمەن كورسەتىلگەن ۇراندارمەن ۇسىنىلادى. ۇران كونكۋرسقا ۇسىنىلعان جوبانىڭ بارلىق ماتەريالدارىنىڭ جوعارعى وڭ جاق بۇرىشىندا، سونداي-اق ۇراندىق كونۆەرتتە (بيىكتىگى 1 سم) جازىلادى. ۇرانمەن جابىلعان كونۆەرتتە جوبا اۆتورىنىڭ تەگى، اتى جانە مەكەنجايى كورسەتىلگەن اقپاراتتىق پاراق بولۋى كەرەك.
ەكى بەتتەن اسپايتىن قىسقاشا تۇسىندىرمە جازبا ەكى دانادا ۇسىنىلادى. «تىمەѕ New Roman» ءقارپى، ولشەمى №14، ءبىر جولارالىق ينتەرۆالمەن. جازبادا ەسكەرتكىشتىڭ نەگىزگى يدەياسى، كوركەمدىك شەشىمى جانە كەڭىستىكتى ۇيىمداستىرۋ پرينسيپتەرى كورسەتىلۋى كەرەك.
بايقاۋ قورىتىندىسى بويىنشا شەشىمدى الماتى قالاسىنىڭ تاريح جانە مادەنيەت ەسكەرتكىشتەرىن قورعاۋ جونىندەگى كوميسسياسى قابىلدايدى.
بايقاۋ شارتتارىن بۇزا وتىرىپ ۇسىنىلعان جوبالار كونكۋرسقا جىبەرىلمەيدى جانە كوميسسيادا قارالمايدى.
- بايقاۋدىڭ جوبالىق ۇسىنىستارى مەن ۇسىنىلاتىن ماتەريالداردى راسىمدەۋگە قويىلاتىن تالاپتاردىڭ قۇرامى:
- ماسشتابى 1:10 جوبا ەسكيزى (ءمۇسىن كومپوزيسياسى)؛
- ماسشتابى 1:200 باس جوباسى (سىزبا جوباسى)؛
- ەسكەرتكىشتىڭ (مۇسىندىك كومپوزيسيانىڭ) 2 قاسبەتى جانە 1:20 ماسشتابتى 1 پەرسپەكتيۆا؛
- تۇسىندىرمە جازبا.
جوبالار ولشەمى 60ح80 سم پلانشەتپەن ۇسىنىلادى. گرافيكالىق ورىنداۋ ءادىسى، ماكەتتىڭ ءتۇسى، تەحنيكاسى جانە ماتەريالى – اۆتوردىڭ قالاۋى بويىنشا.
قوسىمشا اقپارات پەن انىقتامانى 8 (727) 272-01-38 تەلەفونى بويىنشا الۋعا بولادى.