2023-2025 جىلدار ارالىعىندا 842 مىڭ وقۋشى ورنى اشىلادى.
«جايلى مەكتەپ» ۇلتتىق جوباسىنىڭ تالاپتارىنا ساي عيماراتتاردى مەملەكەت ساتىپ الۋى مۇمكىن. ق ر وقۋ-اعارتۋ ءمينيسترى اسحات ايماعامبەتوۆ ۇكىمەت وتىرىسىندا وسىنداي مالىمەت بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەكتەپ تاپشىلىعىن شەشۋ ءۇشىن 2023-2025 جىلدار ارالىعىندا 842 مىڭ وقۋشى ورنىن سالۋعا 2،6 ترلن تەڭگە قاراستىرىلدى. ۇلتتىق جوبانىڭ شەڭبەرىندە 60 مىڭعا جۋىق ۋاقىتشا جانە 40 مىڭ تۇراقتى جۇمىس ورنى اشىلادى»، - دەدى ۆەدومستۆو باسشىسى.
سونداي-اق، ول جوبا ارقىلى ساپالى مەكتەپتەردى ىسكە قوسۋدىڭ ءۇش تەتىگى بار ەكەنىن اتادى.
ولار:
1) مەملەكەتتىك-جەكەمەنشىك ارىپتەستىك شەڭبەرىندە مەكتەپ سالۋ؛
2) مەكتەپ عيماراتىن جايلى مەكتەپتىڭ تالاپتارىنا سايكەس كەلگەن جاعدايدا تاۋار رەتىندە ساتىپ الۋ؛
3) ءبىرىڭعاي وپەراتوردىڭ تالاپقا ساي مەكتەپ سالۋى.