اەس جايى نە بولماق؟
ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ قازاقستان اۋماعىندا اتوم ەلەكتر ستانساسىن سالۋ ماسەلەسىنە قاتىستى پىكىر ءبىلدىردى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ
«اەس بويىنشا جوبالىق-سمەتالىق قۇجاتتاما تۇسكەن كەزدە قورشاعان ورتاعا اسەرىن باعالاۋ باعىتىنداعى ەكولوگيالىق ساراپتاما جۇرگىزىپ بارىپ ءوز پىكىرىمىزدى رەسمي جاريالايمىز. اەس سالۋ جوباسى قولىمىزعا تيگەننەن كەيىن عانا رەسمي ۇستانىمىمىزدى بىلدىرەمىز»، - دەدى مينيستر بريفينگ بارىسىندا.
وسى جيىندا ەكولوگيا ءمينيسترى وسكەمەندەگى زاۋىت توبەسىندە پايدا بولعان قىزعىلت تۇتىنگە قاتىستى تۇسىنىكتەمە بەردى.
«بۇگىن ساعات 12.00-دە ەكولوگيا دەپارتامەنتىنە الەۋمەتتىك جەلى ارقىلى «تمك» اق اۋماعىندا ىقتيمال اپات تۋرالى مالىمەت كەلىپ ءتۇستى. جاعدايدى انىقتاۋ ءۇشىن ەكولوگيا دەپارتامەنتى ساعات 12.15-تە قۇرال-جابدىقتارمەن سىناما الۋ ءۇشىن سانيتارلىق ايماققا بارىپ، اۋا قۇرامىنداعى زياندى زاتتاردىڭ بار-جوعىن تەكسەردى. سىناما قورىتىندىسى بويىنشا حلوردىڭ مولشەرى بەكىتىلگەن نورما شەگىنەن اسقانى اسقانى بەلگىلى بولدى. كەلىپ تۇسكەن ارىز بويىنشا جوسپاردان تىس تەكسەرۋ باستالدى. ونىڭ قورىتىندىسى قوسىمشا حابارلانادى»، - دەدى سەرىكقالي برەكەشيەۆ.