پرەزيدەنت جارلىعىمەن اكىم بولىپ تاعايىندالدى.
پرەزيدەنتتىڭ جارلىعىمەن سەرىك جامبىل ۇلى شاپكەنوۆ اتىراۋ وبلىسىنىڭ اكىمى لاۋازىمىنا تاعايىندالدى، دەپ حابارلايدى Almaty-akshamy.kz اقورداعا سىلتەمە جاساپ.
«سەرىك جامبىل ۇلى شاپكەنوۆ اتىراۋ وبلىسىنىڭ اكىمى بولىپ تاعايىندالسىن، ول قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنان بوساتىلسىن»، - دەلىنگەن پرەزيدەنت جارلىعىندا.
سەرىك جامبىل ۇلى 1979 جىلى 29 شىلدەدە تۋعان.
م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ەكونوميكالىق كيبەرنەتيكا فاكۋلتەتىن بىتىرگەن (2000)، ەكونوميست-ماتەماتيك.
ەڭبەك جولى: 2000 جىلى - م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ وقىتۋشىسى.
2001 جىلى - باتىس قازاقستان وبلىستىق قورشاعان ورتانى قورعاۋ قورىنىڭ جەتەكشى مامانى.
2002 جىلدىڭ ماۋسىمىنان - باتىس قازاقستان قارجى باسقارماسىنىڭ جەتەكشى مامانى، 2003 جىلدان - باس مامانى.
2006 جىلدىڭ قاڭتارىنان - بقو ەكونوميكا جانە بيۋدجەتتىك جوسپارلاۋ دەپارتامەنتى شىنايى سەكتوردى دامىتۋ ءبولىمىنىڭ باستىعى.
2006 جىلدىڭ ناۋرىزىنان - بقو اۋىل شارۋاشىلىعى دەپارتامەنتى اكىمشىلىك ءبولىمىنىڭ باستىعى.
2007 جىلدىڭ قاڭتارىنان - بقو اۋىل شارۋاشىلىعى دەپارتامەنتى ديرەكتورىنىڭ ورىنباسارى.
2007 جىلدىڭ قازانىنان - بقو ەكونوميكا جانە بيۋدجەتتىك جوسپارلاۋ دەپارتامەنتى باستىعىنىڭ ورىنباسارى.
2009 جىلدىڭ قىركۇيەگىنەن - باتىس قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باستىعى.
2014 جىلدان - ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى.
2016-2018 جىلدارى – اتىراۋ قالاسىنىڭ اكىمى، اتىراۋ وبلىسى اكىمىنىڭ ورىنباسارى (2018-2020).
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيسە-مينيسترى (2020-2021).
2021 جىلدىڭ قاڭتار ايىنان بەرى ەڭبەك جانە حالىقتى الەۋمەتتىك قورعاۋ ءمينيسترى بولىپ قىزمەت اتقاردى.