الماتى وبلىسى كەگەن اۋداندىق سوتىندا ەكس-گەنەرال سەرىك كۇدەبايەۆقا قاتىستى ءىس قارالىپ جاتىر. ول قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ ءوتتى دەگەن كۇدىككە ىلىنگەن. سوتتالۋشى وكىنىپ، ءوز كىناسىن تولىق مويىندادى،دەپ حابارلايدى قازاقپارات ءتىلشىسى.
«مەن ءوز كىنامدى تولىق مويىندايمىن»، - دەدى س.كۇدەبايەۆ سوتتاعى سوڭعى سوزىندە.
ادۆوكاتتىڭ ايتۋىنشا، ءىستى قاراۋ بارىسىندا ەكس-گەنەرال وزىنە تاعىلعان ايىپتى تولىعىمەن مويىندادى.
وسىنى، سونداي-اق سەرىك كۇدەبايەۆتىڭ سوتتالعانىن ەسكەرە وتىرىپ، قورعاۋشى تاراپ وعان 500 اەك (1 ملن 725 مىڭ تەڭگە) مولشەرىندە ايىپپۇل تۇرىندە بالاما جازا تاعايىنداۋدى سۇرادى.
ادۆوكات ونىڭ قورعاۋشىسى قىلمىسكەر ەمەس ەكەنىن، ءوز قاتەلىگىن تۇسىنگەنىن اتاپ ءوتتى.