وقۋ-اعارتۋ مينيسترلىگى لاگەر ءسوزىن ورتالىق اتاۋىمەن وزگەرتۋ ماسەلەسىن پىسىقتاپ جاتىر، دەپ حابارلايدى Almaty-akshamy.kz.
«مينيسترلىك «ءبىلىم بەرۋ ۇيىمدارى تۇرلەرىنىڭ نومەنكلاتۋراسىن بەكىتۋ تۋرالى» ق ر ءبىلىم جانە عىلىم ءمينيسترىنىڭ 2013 جىلعى 22 اقپانداعى № 50 بۇيرىعىنا وزگەرىستەر ەنگىزۋ بويىنشا جۇمىستار جۇرگىزىلۋدە. وندا «لاگەر» اتاۋىن «ورتالىق» اتاۋىمەن الماستىرۋ ماسەلەسى پىسىقتالۋدا. جالپى، جازعى ۋاقىتتا بالالاردى دەمالىسپەن، ساۋىقتىرۋمەن قامتاماسىز ەتۋ جۇمىستارى جالعاسۋدا جانە مينيسترلىكتىڭ ەرەكشە باقىلاۋىندا»،- دەلىنگەن وقۋ-اعارتۋ ءمينيسترى عاني بەيسەمبايەۆتىڭ ءماجىلىس دەپتۋتاتى ساۋالىنا بەرگەن جاۋابىندا.
بۇعان دەيىن ءماجىلىس دەپۋتاتى داۋلەت مۇقايەۆ كەڭەستىك يدەولوگيامەن سانامىزعا سىڭگەن لاگەر ءسوزىن جازعى ساۋىقتىرۋ ورتالىقتارى سوزىمەن اۋىستىراتىن ۋاقىت جەتكەنىن ايتىپ، وقۋ-اعارتۋ ءمينيسترىنىڭ اتىنا cاۋال جولداعان ەدى.