«تۇركيانىڭ ىستانبۇل قالاسى مەن ءمارمار تەڭىزى ايماعىندا 2030 جىلعا دەيىنگى ارالىقتا قۋاتتى ءزىلزالا بولۋى مۇمكىن. ونىڭ ماگنيتۋداسى 7 بالعا جەتۋى ىقتيمال».
سەيسمولوگيا پروفەسسورى، ىستانبۇل مەرياسى جەر سىلكىنىسى ماسەلەلەرى بويىنشا عالىمدار كەڭەسىنىڭ مۇشەسى حاليۋك ەييدوگان وسىلاي دەپ بولجام جاسادى، دەپ حابارلايدى Almaty-akshamy.kz. Qazaqstan.tv-عا سىلتەمە جاساپ.
ونىڭ وزىنشە، ءزىلزالا بولۋ ءقاۋپى بار وڭىردە 25 ميلليونداي ادام تۇراتىن 7 پروۆينسيا ورنالاسقان. تاعى ءبىر عالىم نادجي گەريۋر ءزىلزالانىڭ بولۋ ىقتيمالدىعى 50 پايىز ەكەنىن مالىمدەدى. بۇل - وسى وڭىردەگى جەراستى دۇمپۋلەرىنە قاتىستى ەكى مىڭ جىل بويعى زەرتتەۋلەرگە نەگىزدەلگەن بولجام. گەوفيزيكالىق جانە سەيسميكالىق زەرتتەۋلەر دە ەسەپكە الىندى.