E-commerce، قۇرىلىس، ازىق-تۇلىك، مەديسينالىق نىساندار جانە فارماسيەۆتيكا – بەيجىڭدە 2023 جىلعى 16 تامىزدا پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين وسى باعىتتار بويىنشا بيزنەس الىپتارىمەن كەزدەسۋلەر وتكىزدى، دەپ حابارلايدى Almaty-akshamy.kz.
ءبىرىنشى كەزدەسۋ Jingdong Group (JD Group) كورپوراسياسىنىڭ ۆيسە-پرەزيدەنتى لارري ليمەن ءوتتى. وتكەن جىلى كومپانيا Global Fortune 500 الەمدىك رەيتينگىندە 46-ورىنعا يە بولدى. ينتەرنەت الاڭدا JD.com Amazon جانە Alibaba-مەن بىرگە الەمدەگى ەڭ تانىمال جانە ەڭ الپاۋىتتاردىڭ ءبىرى بولىپ تابىلادى.
سەرىك جۇمانعارين كەزدەسۋدە ەلەكتروندىق كوممەرسيا الەمدىك ساۋدانىڭ بولاشاعى ەكەنىن اتاپ ءوتتى. «بىزدە 40 جاسقا تولماعان ادامداردىڭ 85%-دان استامى بۇگىندە زاتتاردى ونلاين ساتىپ الاتىنى تۋرالى زەرتتەۋلەر بار. قازاقستاندا ەلەكتروندىق ساۋدانىڭ ۇلەسى بولشەك ىشكى ساۋدانىڭ شامامەن 13%-دى قۇرايدى، 20%-عا دەيىن ۇلعايتۋدى جوسپارلاپ وتىرمىز. JD.com بيزنەستى جۇرگىزۋدى جەڭىلدەتۋگە ىقپال ەتەدى، شاعىن جانە ورتا كاسىپورىنداردىڭ، تۇتىنۋشىلاردىڭ مۇمكىندىكتەرىن كەڭەيتەدى. بۇل ءبىز ءۇشىن وتە قىزىقتى، شاعىن جانە ورتا بيزنەسكە سيفرلىق ەكونوميكانىڭ ارتىقشىلىقتارىن پايدالانۋعا كومەكتەسۋ ءبىزدىڭ جۇمىسىمىزدىڭ قۇرامداس بولىكتەرىنىڭ ءبىرى»، — دەدى ۆيسە-پرەمەر. ءوز كەزەگىندە لارري لي قازاقستاندىق ۇن مەن كەپتىرىلگەن تۇيە ءسۇتى سۇرانىسقا يە ەكەنىن جانە JD.com سايتىندا بەلسەندى ساۋدالاناتىنىن اتاپ ءوتتى.
كەزدەسۋ قورىتىندىسى بويىنشا تاراپتار «قازپوچتا» اق وكىلدەرىمەن لوگيستيكا مەن تاۋارلاردى جەتكىزۋ جۇيەسىن قۇرۋ بويىنشا كەلىسسوزدەردى جالعاستىرۋعا كەلىستى. CITIC Group – قارجى-بانكتىك قىزمەتپەن، ساقتاندىرۋمەن، ەكونوميكانىڭ ونەركاسىپتىك جانە قۇرىلىس سەكتورلارىنا ينۆەستيسيالاۋمەن، ەنەرگەتيكامەن، مينەرالدى رەسۋرستاردى يگەرۋمەن، ماشينا جاساۋمەن، كولىك جانە تەلەكوممۋنيكاسيامەن، جىلجىمايتىن مۇلىكپەن اينالىساتىن ءىرى مەملەكەتتىك كونگلومەرات. كەزدەسۋدە تاراپتار قازاقستانداعى اۋىل شارۋاشىلىعىنا ينۆەستيسيا قۇيۋ مۇمكىندىكتەرىن تالقىلادى. تاو يان اتاپ وتكەندەي، CITIC كونگلومەراتى قازاقستاندىق مال ءوسىرۋ قاۋىمداستىعىمەن تىعىز بايلانىستا.
قازاقستاننىڭ ۆيسە-پرەمەرى CITIC CONSTRUCTION پرەزيدەنتىنە اۋىل شارۋاشىلىعىنا قاتىستى ينۆەستيسيالاردىڭ بىرنەشە باعىتىن قاراۋدى ۇسىندى.
«قازاقستان اۋماعىندا تەرى مەن ءجۇندى قايتا وڭدەۋ، ءسۇت، قۇس ءوسىرۋ وندىرىستەرى جەتىسپەيدى. وسى سالالارعا، سۋارۋ جوبالارىنا ينۆەستيسيا سالۋ مۇمكىندىگىن قاراستىرۋدى ۇسىنامىن. ق ر ۇكىمەتى جوبالاردى ءساتتى ىسكە اسىرۋعا جاردەمدەسۋگە دايىن، ويتكەنى CITIC Group قازاقستاننىڭ سەنىمدى ينۆەستيسيالىق سەرىكتەسى»، — دەدى سەرىك جۇمانعارين.