بۇل – الەم چەمپيوناتىنداعى ەڭ العاشقى سەنساسيا
قاتاردا ءوتىپ جاتقان فۋتبولدان 2022 جىلعى الەم چەمپيوناتىنىڭ ءۇشىنشى ويىن كۇنىندە سەنساسيالىق جاعداي تىركەلدى. س توبىندا سىنعا تۇسەتىن ارگەنتينا قۇراماسى العاشقى ويىندا ساۋد ارابياسىنان جەڭىلىپ قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ويىننىڭ العاشقى مينۋتىنان ارگەنتينالىق فۋتبولشىلار تىزگىندى ءوز قولىنا الۋعا تىرىسقان ەدى. دەسە دە، وعان ساۋد ارابياسى قۇراماسى جول بەرە قويعان جوق.
ويىننىڭ 10-مينۋتىندا ارگەنتينالىق ليونەل مەسسي پەنالتيدەن ەسەپ اشتى. ءبىرىنشى كەزەڭدە بۇدان كەيىن تابلوداعى ەسەپكە وزگەرىس ەنە قويعان جوق.
ەكىنشى كەزەڭدە ساۋد ارابياسى قۇراماسىنىڭ بەلسەندىلىگى بايقالدى.
ناتيجەسىندە 48-مينۋتتا سالەح ءال شەحري تارازى باسىن تەڭەستىرسە، سالەم ءال-داۆساري 53-مينۋتتا ءوز قۇراماسىن العا شىعاردى.
ايتا كەتسەك، ەكى قۇراما بۇعان دەيىن ءتورت مارتە كەزدەستى. ولاردىڭ بارلىعى جولداستىق كەزدەسۋ ەسەبىندە وتكىزىلگەن.
ارگەنتينا قۇراماسى العا قاراي ۇمتىلا ءتۇستى. دەگەنمەن دىتتەگەن ماقساتىنا جەتە الماي جاتتى.
وسىلايشا ساۋد ارابياسى ارگەنتينادان 2:1 ەسەبىمەن باسىم ءتۇستى.
بۇل – الەم چەمپيوناتىنداعى ەڭ العاشقى سەنساسيا. سونداي-اق، اراب فۋتبولشىلارى ءوز تاريحىندا تۇڭعىش رەت ارگەنتينانى جەڭدى.
بۇعان دەيىن ەكى قۇراما ءتورت مارتە كەزدەستى. ەكەۋىندە ارگەنتينا باسىم تۇسسە، ەكەۋىندە ەسەپ تەڭ اياقتالدى.
1988 جىلى 6 شىلدەدە 2:2، 2012 جىلى 14 قاراشادا 0:0 ەسەبىمەن تەڭ ءتۇستى. ال ارگەنتينا 1988 جىلى 16 شىلدەدە 3:1، 1992 جىلى 20 قازاندا 2:0 ەسەبىمەن جەڭىسكە جەتتى.
اتالعان توپتاعى بۇگىن، 22 قاراشادا مەكسيكا جانە پولشا كەزدەسۋى ەلوردا ۋاقىتىمەن 22:00-دە «Qazsport» تەلەارناسىنان تىكەلەي ەفيردە كورسەتىلەدى.
ەسكە سالساق، بۇدان بۇرىن ا توبىندا انگليا قۇراماسى يراندى ءىرى ەسەپپەن جەڭسە، نيدەرلاندى سەنەگالدان باسىم ءتۇستى.
سونداي-اق، ا توبىنداعى ەكى ويىننىڭ ناتيجەسى بەلگىلى بولدى.