ەكى وتاندىق جوو گرانت بەرۋگە دايىن ەكەنىن ءبىلدىردى
عىلىم جانە جوعارى ءبىلىم مينيسترلىگى ادامداردى قۇتقارىپ ءجۇرىپ كوز جۇمعان اسقار زابيكۋليننىڭ وتباسىنا گرانت بولىنگەنىن مالىمدەدى، دەپ حابارلايدى Almaty-akshamy.kz.
قازىرگى ۋاقىتتا ەكى وتاندىق جوو گرانت بەرۋگە دايىن ەكەنىن ءبىلدىردى.
سافي وتەبايەۆ اتىنداعى اتىراۋ مۇناي جانە گاز ۋنيۆەرسيتەتى اسقار زابيكۋليننىڭ بالالارىنا ورتا مەكتەپتى بىتىرگەننەن كەيىن كەز كەلگەن باكالاۆريات ماماندىعىندا جوو گرانتىندا وقۋعا مۇمكىندىك بەرمەك.
سونداي-اق، اسقار زابيكۋليننىڭ بالالارى 2023 جىلى جازدا ۋنيۆەرسيتەتتىڭ جاتاقحاناسىندا تۇرىپ، IT-لاگەرگە جانە جازعى تىلدىك مەكتەپكە قاتىسا الادى.
سونىمەن قاتار، ايەلى انەل زابيكۋلينا ءۇشىن «ادام رەسۋرستارىن باسقارۋ» ماماندىعى بويىنشا مۆا-دا وقۋعا گرانت ءبولىندى.
باتىردىڭ ايەلى انەل زابيكۋلينانىڭ مۆا باعدارلاماسىندا وقۋعا تولىق گرانتىن AlmaU دا ءبولدى. ول گرانتتى 2023-2026 جىلدارى قولدانا الادى.
ەستەرىڭىزگە سالا كەتەيىك، ق ر «ءبىلىم تۋرالى» زاڭىنا سايكەس ارناۋلى مەملەكەتتىك ورگاندار جانە قۇقىق قورعاۋ ورگاندارى، ازاماتتىق قورعاۋ ورگاندارى، مەملەكەتتىك فەلدەگەرلىك قىزمەت قىزمەتكەرلەرىنىڭ، قىزمەتتىك مىندەتتەرىن اتقارۋ كەزىندە قازا تاپقان نەمەسە مەرتiگۋi (جارالانۋى، جاراقاتتانۋى، كونتۋزيا الۋى) سالدارىنان مۇگەدەكتىك بەلگىلەنگەن اسكەري قىزمەتشىلەردىڭ بالالارىنىڭ ءوتىنىشى نەگىزىندە ولارعا كونكۋرستان تىس ءبىلىم گرانتى بەرىلەدى.