جولدى جابۋعا اۋا رايىنىڭ ناشارلاۋى سەبەپ بولدى
«قازاۆتوجول» ۇلتتىق كومپانياسى اباي وبلىسىندا رەسپۋبليكالىق ماڭىزى بار جولدا قوزعالىستى شەكتەدى، دەپ حابارلايدى Almaty-akshamy.kz.
22 قاراشا كەشكى ساعات 18.30-دان باستاپ اباي وبلىسى ارقىلى وتەتىن «الماتى - وسكەمەن» رەسپۋبليكالىق ماڭىزى بار تاسجولىنىڭ 615-967 شاقىرىم ارالىعىندا تىركەمەلى جانە جارتىلاي تىركەمەسى بار جۇك كولىكتەرىنىڭ جۇرۋىنە تىيىم سالىندى.
بۇل - الماتى وبلىسىنىڭ شەكاراسىنان قالباتاۋ اۋىلىنا دەيىنگى ۋچاسكە. جولدى جابۋعا اۋا رايىنىڭ ناشارلاۋى سەبەپ بولدى.
بۇل ۋچاسكەدە «سينەميداسستروي» ج ش س قايتا قۇرۋ جۇمىستارىن جۇرگىزىپ جاتىر.
قىسقى كۇتىپ ۇستاۋ جۇمىسىنا اتالعان جولدا 20 ارنايى تەحنيكا جانە 32 قىزمەتكەر جۇمىلدىرىلدى.
سونداي-اق كەشكى 18.30-دان باستاپ «الماتى-وسكەمەن» جولىنىڭ 558-615 شاقىرىمدارىندا دا، ياعني ءۇشارال قالاسىنان اباي وبلىسى شەكاراسىنا دەيىن تىركەمەلى جۇك كولىگى قوزعالىسىنا شەكتەۋ قويىلدى.