سەنبىگە ارنالعان اۋا رايى بولجامى

قازگيدرومەت 21 تامىزعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
 
قازاقستان اۋماعىنىڭ باسىم بولىگىندە انتيسيكلون اسەرىنەن جاۋىن-شاشىنسىز اۋا رايى كۇتىلەدى. تەك وڭتۇستىك-شىعىسىندا جانە وڭتۇستىگىندە تاۋلى اۋداندارىندا اتموسفەرالىق فرونتالدى بولىكتەردىڭ وتۋىمەن جاڭبىر جاۋادى، نايزاعاي بولادى. رەسپۋبليكا بويىنشا جەلدىڭ كۇشەيۋى، وڭتۇستىكتە شاڭدى داۋىل، وڭتۇستىك-شىعىسىندا بۇرشاق كۇتىلەدى. كۇندىز جامبىل وبلىسىنىڭ تاۋلى جانە تاۋ بوكتەرىندەگى اۋدانداردا نايزاعاي، بۇرشاق كۇتىلەدى، وبلىستىڭ سولتۇستىك-شىعىسىندا شاڭدى داۋىل، وبلىستىڭ سولتۇستىك-شىعىسىندا جانە وڭتۇستىك-باتىسىندا جەل 15-20 م/س كۇشەيەدى. كۇندىز الماتى وبلىسىنىڭ تاۋلى اۋداندارىندا نايزاعاي كۇتىلەدى، وبلىستىڭ سولتۇستىك-شىعىسىندا جەل 15-20 م/س كۇشەيەدى. تۇركىستان وبلىسىنىڭ باتىسىندا شاڭدى داۋىل كۇتىلەدى، تاۋلى اۋداندارىندا جانە باتىسىندا جەل 15-20، كۇندىز ەكپىنى 25 م/س كۇشەيەدى، كۇندىز تاۋلى اۋداندارىندا نايزاعاي بولادى. قىزىلوردا وبلىسىنىڭ وڭتۇستىك–شىعىسىندا جانە وڭتۇستىگىندە جەل 15-20 م/س كۇشەيەدى، كۇندىز شاڭدى داۋىل كۇتىلەدى. قاراعاندى وبلىسىنىڭ وڭتۇستىگىندە، شىعىس قازاقستان وبلىسىنىڭ تاۋلى اۋداندارىندا جانە وڭتۇستىك-باتىسىندا، كۇندىز باتىس قازاقستان وبلىسىنىڭ وڭتۇستىك-باتىسىندا جەل 15-20 م/س كۇشەيەدى. كۇندىز اتىراۋ، باتىس قازاقستان، اقتوبە وبلىستارىندا قاتتى ىستىق ساقتالادى، ماڭعىستاۋ، قوستاناي وبلىستارىنىڭ وڭتۇستىگىندە قاتتى ىستىق ساقتالادى، اقمولا وبلىسىنىڭ وڭتۇستىك-باتىسىندا قاتتى ىستىق بولادى. ماڭعىستاۋ، باتىس قازاقستان وبلىسى، اتىراۋ، اقتوبە، قىزىلوردا، تۇركىستان، جامبىل، الماتى وبلىستارىنىڭ باسىم بولىگىندە، قاراعاندى وبلىسىنىڭ باتىسىندا، قوستاناي، اقمولا، شىعىس قازاقستان وبلىستارىنىڭ وڭتۇستىگىندە توتەنشە ءورت ءقاۋپى ساقتالادى.