سەناتتا مۇمكىندىگى شەكتەۋلى جانداردى قولداۋعا ارنالعان زاڭ جوباسى ماقۇلداندى

مۇمكىندىگى شەكتەۋلى جانداردى قولداۋ

بۇگىن سەنات دەپۋتاتتارى مۇمكىندىگى شەكتەۋلى جانداردى قولداۋعا باعىتتالعان زاڭ جوباسىن قابىلدادى، دەپ حابارلايدى Almaty-akshamy.kz 24.kz-سىلتەمە جاساپ.

قۇجات كۇشىنە ەنگەندە، مۇگەدەك بالالارعا كۇتىم كورسەتىپ وتىرعان 24 مىڭ ازاماتقا تولەم جاسالادى. بيىل بۇل سوما 48 مىڭ تەڭگەنى قۇرايدى. سونداي-اق 7 مەن 16 جاس ارالىعىنداعى بالالاردى بىرنەشە توپقا ءبولۋ كوزدەلگەن. سونىڭ ارقاسىندا 30 مىڭ ءجاسوسپىرىم قاجەتتى وڭالتۋ شارالارىمەن قامتىلماق. ولارعا بەرىلەتىن جاردەماقى كولەمى دە مۇگەدەكتىك ساناتىنا بايلانىستى 17 مىڭ تەڭگەگە دەيىن كوتەرىلەدى.

جاڭا قۇجاتقا سايكەس، اسىراۋشىسىنان ايىرىلعان 2 مىڭ مۇگەدەك بالاعا ارنايى جاردەماقى تولەنەدى. سونىمەن قاتار كامەلەتتىك جاسقا تولعان مۇمكىندىگى شەكتەۋلى جاستاردىڭ ءۇي كەزەگىندە تۇرۋ مەرزىمىن دە ۇزارتۋ كوزدەلگەن. سەبەبى ولاردىڭ باسىم بولىگى 18 جاسقا دەيىن مەملەكەتتەن باسپانا الىپ ۇلگىرمەيدى.

ماۋلەن اشىمبايەۆ، ق ر پارلامەنتى سەناتىنىڭ ءتوراعاسى: - قابىلدانعان زاڭ مۇمكىندىگى شەكتەۋلى ازاماتتاردىڭ، ونىڭ ىشىندە بالالاردىڭ جاعدايىن جاقسارتۋعا، الەۋمەتتىك تەڭسىزدىكتەردى جويۋعا، قولدانىستاعى الەۋمەتتىك قامسىزداندىرۋ جۇيەسىن ودان ءارى جەتىلدىرۋگە ارنالعان. الداعى ۋاقىتتا وسى زاڭ مۇمكىندىگى شەكتەۋلى ازاماتتارىمىزدىڭ قۇقىقتارىن قامتاماسىز ەتۋگە، ولاردىڭ ءومىر ءسۇرۋ ساپاسىن جاقسارتۋعا وڭ اسەرىن تيگىزەدى دەپ سەنەمىز.