ىزدەستىرۋ-قۇتقارۋ، اپاتتان قۇتقارۋ جۇمىستارىن جۇرگىزۋ داعدىلارىن جەتىلدىرۋ جانە جەدەل قۇتقارۋ جاساقتارى اراسىنداعى ءوزارا ءىس-قيمىلدى پىسىقتاۋ
الماتى وبلىسىندا ق ر توتەنشە جاعدايلار ءمينيسترى يۋريي ءيليننىڭ باسشىلىعىمەن «قازقۇتقارۋ-2021» قۇتقارۋ كوپسايىسى جانە اسكەري-قۇتقارۋ ءۇشسايىسى بويىنشا جارىستاردىڭ اشىلۋ ءراسىمى ءوتتى، دەپ حابارلايدى Almaty-akshamy.kz.
جارىسقا قازاقستان، وزبەكستان جانە قىرعىزستان تجم قۇتقارۋ بولىمشەلەرى جانە ق ر ازاماتتىق قورعانىس اسكەري ءبولىمىنىڭ اسكەري قىزمەتشى-قۇتقارۋشىلارى قاتىسىپ جاتىر.
جارىس 3 قاشىقتىقتى، اتاپ ايتقاندا «تەحنوگەندىك اپاتتار جاعدايىنداعى ىزدەستىرۋ-قۇتقارۋ جۇمىستارى» ديستانسياسى، «اكۆاتوريادا ىزدەستىرۋ-قۇتقارۋ جۇمىستارى» قاشىقتىعى، «تابيعي ورتا جاعدايىنداعى ىزدەستىرۋ-قۇتقارۋ جۇمىستارى» ديستانسياسى قامتيدى.
ءبىرىنشى كۇنى قاتىسۋشىلار «تەحنوگەندىك اپاتتار جاعدايىنداعى ىزدەستىرۋ-قۇتقارۋ جۇمىستارى» قۇتقارۋ كوپسايىسى بويىنشا قاشىقتىقتار مەن «كروسس» جانە «كەشەندى كۇشتىك جاتتىعۋلار» اسكەري-قۇتقارۋ ءۇشسايىسى بويىنشا سىننان وتەدى.
جارىستار 23-27 قىركۇيەك ارالىعىندا وتەدى.