بالاباقشالار، مەكتەپتەر، ينكليۋزيۆتى ءبىلىم بەرۋ – Nur Otan پارتياسى قانداي ۋادەلەردى ورىندادى
ماسەلەن، الماتىدا Nur Otan پارتياسىنىڭ جول كارتاسىن ىسكە اسىرۋ اياسىندا 2021 جىلى 4658 ورىندىق 72 جەكە بالاباقشا سالىندى، 4150 ورىندىق 9 مەكتەپتىڭ قۇرىلىسى اياقتالىپ، 4 مەكتەپتىڭ جوندەۋ جۇمىستارى ءبىتتى. سونداي-اق، ينكليۋزيۆتى ءبىلىم بەرۋ ءۇشىن مۇمكىندىكتەر جاساعان مەكتەپتەردىڭ ۇلەسى 80%-عا دەيىن ءوستى، ال اكىمدىكپەن ەلەكتروندى تۇردە ۇسىنىلاتىن مەملەكەتتىك قىزمەتتەردىڭ ۇلەسى 92%-عا جەتتى.
پارتيا مۇشەلەرى جول كارتاسى تارماقتارىنىڭ ورىندالماۋ تاۋەكەلدەرىنە جەدەل نازار اۋدارۋدا. Nur Otan دەپۋتاتتىق فراكسياسىنىڭ بەكىتىلگەن 28 مۇشەسى مەن 11 وڭىرلىك قوعامدىق كەڭەس بارلىق ينديكاتورلاردىڭ ىسكە اسىرىلۋ بارىسىنا جۇيەلى باقىلاۋ جۇرگىزەدى. پارتيانىڭ قالالىق فيليالى جانىنداعى وڭىرلىك قوعامدىق كەڭەستەر 55 وتىرىس وتكىزىپ، وندا جول كارتاسىنىڭ 84 پۋنكتى قارالدى
بۇدان بولەك، پارتيانىڭ دەپۋتاتتىق فراكسياسى قالانىڭ تىنىس-تىرشىلىگىنىڭ بارلىق سالالارىنا بەلسەندى قاتىسادى. پارتيالىق باقىلاۋدا 99 ينجەنەرلىك جانە الەۋمەتتىك ينفراقۇرىلىم نىساندارى بار. جىل باسىنان بەرى قۇرامىنا "نۇروتاندىقتار" ەنگەن مونيتورينگتىك توپتار 180-نەن استام تەكسەرۋدى جۇزەگە اسىردى. سونىمەن قاتار پارتيانىڭ قالالىق فيليالى ءتوراعاسىنىڭ تاپسىرماسىمەن قۇرىلعان «حالىقتىق باقىلاۋ» باستاماشىل توبىنا 132 بەلسەندى قالا تۇرعىنى ەنگەن. ولار سالىنىپ جاتقان نىساندارداعى بارلىق بۇزۋشىلىقتار مەن پروبلەمالار تۋرالى پارتياعا بىردەن حابارلايدى.
سونىمەن قاتار، مونيتورينگ قورىتىندىسى بويىنشا، جول كارتاسىنىڭ كەيبىر ءىس-شارالارىنىڭ ورىندالماۋ ءقاۋپى انىقتالدى. ءبىز پارتيا مۇشەلەرىمەن جانە جەرگىلىكتى مەملەكەتتىك ورگانداردىڭ وكىلدەرىمەن بىرلەسىپ، ساياسي كەڭەس بيۋروسىنىڭ قورىتىندىسى بويىنشا جول كارتاسى اياسىنداعى تاۋەكەل ءىس-شارالاردى قارجىلاندىرۋ ماسەلەلەرىن قارادىق جانە وسى تارماقتار بويىنشا شەشۋ جولدارىن ازىرلەدىك. ماسەلەن، پروبلەمالىق ماسەلەلەر بويىنشا جەكە ءىس-قيمىل جوسپارى قۇرىلاتىن بولادى.
مەيىرجان وتىنشييەۆ، Nur Otan پارتياسىنىڭ الماتى قالالىق فيليالى ءتوراعاسىنىڭ ءبىرىنشى ورىنباسارى